ຊີວິດຈິງ ບໍ່ຄືໃນຈໍໂທລະທັດມີດາວເຕັມບ່າ ຍັງຮັບບົດຄົນໃຊ້

ເປັນອີກໜຶ່ງເລື່ອງລາວທີ່ຊາວເນັດຕ່າງໃຫ້ຄວາມສົນໃຈກັນເປັນຈຳນວນຫຼາຍ ເຊື່ອວ່າຫຼາຍຄົນຄຸ້ນໜ້າຄຸ້ນຕາກັນເປັນຢ່າງດີ ສຳຫຼັບ ອີ໊ດ ໄກລາດ ນັກສະແດງລຸ້ນໃຫຍ່ທີ່ຄົນມັກຈະເຫັນເຂົາໃນບົດບາດຂອງຄົນໃຊ້ ຫຼື ຄົນສວນ ເຫັນຫຼິ້ນແບບນີ້ຈົນຊິນ

ແຕ່ໃຜຈະຮູ້ວ່າໃນຊີວິດຈິງຂອງນັກສະແດງລຸ້ນໃຫຍ່ທ່ານນີ້ ອີ໊ດ ໄກລາດ ຄົນລະເລື່ອງກັບໃນຈໍໂທລະທັດທີ່ເຮົາເຫັນ ເພາະຊີວິດຈິງມີຍົດເປັນເຖິງພັນໂທ ໄກລາດ ກຽງໄກ ນອກຈາກເປັນນັກສະແດງແລ້ວຍັງເປັນຊາຍໄທທີ່ຮັບລາດຊະການເປັນທະຫານບົກອີກດ້ວຍ

ແລະເຖິງແມ່ນວ່າຕອນນີ້ອາຍຸ 71 ປີ ແຕ່ຍັງແຂງແຮງແລະສະແດງລະຄອນໄດ້ສະບາຍເລີຍ ເປັນຄົນທີ່ມາຈາກຈັງຫວັດພະນະຄອນໄດ້ຮັບລາງວັນຫຼວງຫຼາຍໃນວົງການຈາກຝີມືການສະແດງລະຄອນ ໄດ້ຫຼິ້ນພາບພະຍົນເລື່ອງແລກຄື ເທບທິດາບາ 21 ໃນປີ 2521

ຫຼັງຈາກນັ້ນກໍ່ຫຼິ້ນພາບພະຍົນເລື່ອງ ຫຼວງຕາ ສາມເສືອສຸພັນ ແລະເທບພະບຸດ ເຂົາເຄີຍຮັບງານຫຼິ້ນລະຄອນທັງຊ່ອງ3 ຊ່ອງ5 ຊ່ອງ7 ແລະ ຊ່ອງ9 ທ້າວເຂົ້າໜົມຕົ້ມ ຜູ້ກອງຍອດຮັກ ແລະ ຈຳເລີຍຮັກ

ນັກສະແດງລຸ້ນໃຫຍ່ທີ່ຫຼາຍປະສົບການແລະຜ່ານການສະແດງມາຫຼາຍບົດບາດແຕ່ສ່ວນໃຫຍ່ມັກຈະໄດ້ເຫັນເຂົາຫຼິ້ນບົດຄົນໃຊ້ ເຊິ່ງເຂົາເປັນເຖິງພັນໂທໄກລາດ ໄດ້ຮັບລາງວັນນັກສະແດງຊາຍຍອດຍ້ຽມຈາກການສະແດງພາບພະຍົນອີກດ້ວຍ

ຫາຍໜ້າຫາຍຕາຈາກວົງການບັນເທີງໄປຈັກພັກເຮັດເອົາແຟນລະຄອນຄິດຮອດກັນຫຼາຍໂດຍເຂົາໄດ້ໄປເຮັດວຽກເປັນປະທານອົງກອນຊ່ວຍເຫຼືອເພື່ອນຮ່ວມຊາດ ເປັນຜູ້ຮັກຄວາມຍຸດຕິທຳທີ່ມັກຊ່ວຍເຫຼືອປະຊາຊົນ

ໃຊ້ຊີວິດຄູ່ກັບພັນລະຍາຢ່າງມີຄວາມສຸກນອກວົງການ ເອີ້ນໄດ້ວ່າເປັນອີກໜຶ່ງນັກສະແດງດັງທີ່ຫຼາຍຄົນຈະຕ້ອງຄຸ້ນໜ້າ ຄຸ້ນຕາກັນຢ່າງແນ່ນອນ ແລະບໍ່ວ່າຈະເປັນແຟນລະຄອນຊ່ອງໃດກໍ່ຈະຕ້ອງເຄີຍເຫັນໜ້າກັນຢ່າງແນ່ນອນ