ລົດໄຟລາວ-ຈີນ ໄດ້ສ້າງປະກົດໃໝ່ໃຫ້ແກ່ປະເທດເຮົາ ໃຫ້ປະຊາຊົນລາວໄດ້ຕື່ນເຕັ້ນກັບທາງເລືອກຂອງການເດີນທາງໃນຮູບແບບໃໝ່ທີ່ສະດວກໄວທັນໃຈຍິ່ງຂຶ້ນ ແລະການຂົນສົ່ງສິນຄ້າກໍ່ວ່ອງໄວທັນການ ກາຍເປັນຂະແໜງການໃໝ່ທີ່ຈະສ້າງລາຍຮັບສູ່ປະເທດເຮົາ.
![](https://kkklao.com/wp-content/uploads/2022/02/Screenshot_2022-02-01-08-27-11-62_a23b203fd3aafc6dcb84e438dda678b6-1024x584.jpg)
ຕາມຂໍ້ມູນລາຍງານຈາກກຸ່ມບໍລິສັດທາງລົດໄຟຈີນຈຳກັດສາຂາຄຸນມິງເປີດເຜີຍວ່າ: ນັບມາຮອດວັນທີ 30 ມັງກອນນີ້, ການຂົນສົ່ງຜູ້ໂດຍສານແລະສິນຄ້າຂອງທາງລົດໄຟລາວ-ຈີນໄດ້ມີຄວາມຄືບໜ້າ ສຳຄັນ, ໄດ້ສົ່ງຜູ້ໂດຍສານຫຼາຍກວ່າ 1 ລ້ານເທື່ອຄົນແລະສິນຄ້າຂ້າມຊາດຫຼາຍກວ່າ 1 ແສນໂຕນ.
ຂ່າວແຈ້ງວ່າ: ທາງລົດໄຟລາວ-ຈີນຕອນຢູ່ໃນປະເທດຈີນໄດ້ມີລົດໄຟໄປກັບສະເລ່ຍ 28,5 ຂະບວນຕໍ່ມື້, ເພີ່ມຂຶ້ນ 9 ຂະບວນເມື່ອທ່ຽບໃສ່ໄລຍະກ່ອນການຂົນສົ່ງຜູ້ໂດຍສານໄລຍະ ບຸນກຸດຈີນ, ສະເລ່ຍແລ້ວໄດ້ເພີ່ມບ່ອນນັ່ງແລະຕຽງນອນ 3 ໝື່ນ 9 ພັນບ່ອນຕໍ່ມື້, ເພີ່ມຂຶ້ນ 40%; ສ່ວນທາງລົດໄຟລາວ-ຈີນຕອນຢູ່ໃນປະເທດລາວກໍໄດ້ເພີ່ມຂະບວນລົດໄຟໄປກັບ 1 ຫຼື 2 ຂະບວນຕໍ່ມື້ ໂດຍອີງຕາມສະພາບຄວາມຕ້ອງການດ້ານຂົນສົ່ງຜູ້ໂດຍສານ.
![](https://kkklao.com/wp-content/uploads/2022/02/Screenshot_2022-02-01-08-27-04-57_a23b203fd3aafc6dcb84e438dda678b6-1024x759.jpg)
ທ່ານຊູເຈຍເຟີງ ຫົວໜ້າພະແນກການຕະຫລາດຂອງສະຖານີລົດໄຟຄຸນມິງຕາເວັນອອກຂອງ ກຸ່ມບໍລິສັດທາງລົດໄຟຈີນຈຳກັດສາຂາຄຸນມິງກ່າວວ່າ: ປັດຈຸບັນ, ປະເພດສິນຄ້າທີ່ຂົນສົ່ງດ້ວຍທາງລົດໄຟລາວ-ຈີນໄດ້ເພີ່ມຂຶ້ນຢ່າງບໍ່ຢຸດຢັ້ງ ເປັນຕົ້ນການຂົນສົ່ງອາຫານ ແລະ ເຄື່ອງໃຊ້ປະຈຳວັນຊະນິດຕ່າງໆ ເຊັ່ນ: ເຂົ້າສານ, ເບຍ ແລະອື່ນໆ.
Discussion about this post