ກ່ອນອື່ນ ມູນນິທິ ອະນຸລັກສັດປ່າ ຕ້ອງຂໍສະແດງຄວາມຂອບໃຈມາຍັງທຸກທ່ານສຳລັບຄວາມອົດທົນ ຕະຫຼອດ 72 ຊົ່ວໂມງທີ່ຜ່ານມາ
ເພື່ອລໍຖ້າການອັບເດດກ່ຽວກັບລີງນ້ອຍ ແລະ ຄ່າງນ້ອຍສອງໂຕທີ່ທາງທີມງານຂອງພວກເຮົາໄດ້ກູ້ໄພມາໃໝ່.
ພວກເຮົາຕ້ອງຂໍອະໄພໃນການອັບເດດລ່າຊ້າ ອັນເນື່ອງຈາກການກູ້ໄພສັດປ່າແຕ່ລະຄັ້ງແມ່ນພວກເຮົາໄດ້ເນັ້ນໃສ່ສະຫວັດດີການສັດປ່າ ດັ່ງນັ້ນ, ຈຶ່ງເຮັດໃຫ້ພວກເຮົາບໍ່ມີເວລາມາຕອບຂໍ້ຄວາມຈຳນວນຫຼວງຫຼາຍທີ່ໄດ້ຖາມເຂົ້າມາໃນໂຊເຊຍມີເດຍຂອງພວກເຮົາ.
ແຕ່ຢ່າງໃດກໍຕາມ, ພວກເຮົາຂໍໃຫ້ທ່ານກະລຸນາອ່ານໂພສຂ້າງລຸ່ມນີ້ທັງໝົດກ່ອນ ເພື່ອທ່ານຈະໄດ້ເຂົ້າໃຈເຖິງສະຖານະການຢ່າງເຕັມສ່ວນ.
ອັນທີສອງ, ຂໍແຈ້ງໃຫ້ທຸກຄົນຊາບວ່າລີງນ້ອຍສອງໂຕນີ້ມີສຸຂະພາບແຂງແຮງດີ. ພວກມັນທັງສອງປັບຕົວເຂົ້າກັບສະພາບແວດລ້ອມໃໝ່ໄດ້ຢ່າງໄວວາ, ກິນອາຫານດີ ແລະ ມີຄວາມສຸກກັບການຢອກເຢີ້ຍ.
Discussion about this post