ສາລະຄວນຮູ້…!!! ກ່ອນລົງມື “ລ້ຽງງົວ” ຕ້ອງຮູ້ມີຂໍ້ຄວນຄຳນືງທີ່ສຳຄັນແນວໃດແດ່ ? ກົດອ່ານເບິ່ງເລີຍ.

ການເລືອກອາຍຸງົວມີຄວາມສຳຄັນແນວໃດມີຂໍ້ຄຳນຶງດັ່ງນີ້:
1.ຖ້າລູກງົວກິນອາຫານດີເຕັມທີ່ມາຕັ້ງແຕ່ແລກເກີດຢ່າງຕໍ່ເນື່ອງ ອັດຕາການຈະເລີນເຕີບໂຕຕໍ່ວັນຈະເພີ່ມຂຶ້ນເລື່ອຍໆ

ແລະ ຈະສູງສຸດເມື່ອອາຍຸ 1 ປີ ແລ້ວຈະຄ່ອຍໆຫຼຸດລົງເລື່ອຍໆຈົນອາຍຸເຕັມໄວ 4-5 ປີ ອັດຕາການຈະເລີນເຕີບໂຕຈະເປັນລົບຫຼືນໍ້າໜັກໂຕຈະເລີ່ມຫຼຸດລົງດັ່ງນັ້ນຖ້າຈະນຳງົວທີ່ຕຸ້ຍມາລ້ຽງກໍ່ຄວນຈະເລືອກງົວທີ່ມີອາຍຸບໍ່ເກີນ 1 ປີ

2.ຖ້າຄວາມແຕກຕ່າງຂອງລາຄາລະຫວ່າງງົວລ້ຽງກັບຫຼັງລ້ຽງຄວນຈະລ້ຽງໃຫ້ໃຫຍ່ ຖ້າລູກງົວເປັນເຊື້ອງົວທີ່ມີລາຄາສູງແຕ່ອາຍຸຍັງນ້ອຍ ເພື່ອປະຫຍັດເງິນຄ່າໂຕແຕ່ຫວັງກຳໄລຈາກການຈະເລີນເຕີບໂຕ

3.ຖ້າອາຫານການລ້ຽງມີລາຄາຖືກຄວນລ້ຽງແຕ່ອາຍຸຍັງນ້ອຍ ແຕ່ຖ້າອາຫານລາຄາແພງຈະລ້ຽງງົວໃຫຍ່ເພື່ອຫຼຸດໄລຍະເວລາລ້ຽງແລະຈະໄດ້ກຳໄລງາມ

4.ການລ້ຽງງົວອາຍຸນ້ອຍຕ້ອງໃຊ້ເວລາຫຼາຍກວ່າລ້ຽງງົວໃຫຍ່ ງົວເຊົານົມໃຊ້ເວລາປະມານ 10 ເດືອນເຖິງ 1 ປີ, ງົວ 1 ປີໃຊ້ເວລາລ້ຽງປະມານ 8 ເດືອນ, ງົວປີເຄິ່ງໃຊ້ເວລາ 6 ເດືອນ, ງົວ 2 ປີ ໃຊ້ເວລາ 4 ເດືອນ,

ງົວເຕັມໄວໃຊ້ເວລາ 3 ເດືອນ, ດັ່ງນັ້ນ ຖ້າຕະຫຼາດໄລຍະສັ້ນຫຼືຕ້ອງການຕອບແທນໄວກໍ່ຄວນລ້ຽງໃຫ້ໃຫຍ່ແຕ່ຖ້າຕະຫຼາດໄລຍະຍາວຫຼືຕະຫຼາດຍັງບໍ່ແນ່ນອນຄວນລ້ຽງງົວນ້ອຍເພື່ອຍື້ເວລາເພື່ອຈະໄດ້ເຕີບໃຫຍ່ໄປເລື່ອຍໆ

5.ງົວນ້ອຍຕ້ອງການອາຫານທີ່ມີໂປຼຕີນສູງ ແລະ ອາຫານຄຸນນະພາບດີ ດັ່ງນັ້ນຖ້າມີຫຍ້າສົດຄຸນນະພາບສູງກໍ່ສາມາດລ້ຽງງົວນ້ອຍໄດ້ ແຕ່ຖ້າມີເຟືອງພຽງຢ່າງດຽວກໍ່ຄວນລ້ຽງງົວໃຫຍ່

6.ຖ້າຜູ້ຍັງບໍ່ມີປະສົບການກໍ່ຄວນຈະລ້ຽງງົວໃຫຍ່ ເພາະງົວໃຫຍ່ບໍ່ມີບັນຫາໃນການລ້ຽງດີກວ່າໂຕນ້ອຍ

7.ຖ້າຈະລ້ຽງງົວພັນຊີ້ນສົ່ງຕະຫຼາດຄວນຈະມີອາຍຸບໍ່ເກີນ 3 ປີ