ເຮັດດ້ວຍໃຈ ອະດີດພໍ່ຄົວໂຮງແຮມຫຼູ ອຸທິດຕົນຊ່ວຍເຫຼືອຄົນຍາກຈົນນັບສິບປີ

ເປັນເລື່ອງລາວທີ່ໜ້າຊື່ນຊົມ ແລະ ເຮັດດ້ວຍຫົວໃຈທີ່ຢາກຊ່ວຍເຫຼືອ ມື້ນີ້ເຮົາຈະມາຕິດຕາມເລື່ອງລາວຂອງອະດີດພໍ່ຄົວໜຸ່ມໄຟແຮງປະຈຳໂຮງແຮມຫຼູລະດັບ 5 ດາວໃນອິເດຍມີໂອກາດໂກອິນເຕີໄປຕ່າງປະເທດ ກ່ອນສຸດທ້າຍເຫັນຈຸດປ່ຽນ ເມື່ອເຫັນຄົນຍາກໄຮ້ແຖວບ້ານເກີດບໍ່ມີແມ່ນແຕ່ເຂົ້າກິນປະທັງຊີວິດບໍ່ລັງເລຕັດສິນໃຈຖິ້ມງານ ແລະ ອະນາຄົດ ເພື່ອຕັ້ງຕົວອຸທິດຕົນຊ່ວຍເຫຼືອຢ່າງສຸດກຳລັງ

ເລື່ອງລາວທີ່ເຮົາຈະນຳສະເໜີຕໍ່ໄປນີ້ ເປັນເລື່ອງລາວຂອງພໍ່ຄົວໜຸ່ມ ນາມວ່າ ນາຣາຍານານ ທີ່ເຂົາຝີມືດີຈົນໄດ້ມີໂອກາດ ຍ້າຍໄປເຮັດວຽກໃນໂຮງແຮມສຸດຫຼູໃນສະວິດເຊີແລນ ເວົ້າໄປກໍ່ຄືຍິ່ງກ່ວາຝັນ ທີ່ຈະໄດ້ໄປເຮັດວຽກຕ່າງປະເທດອະນາຄົນໄກ ແຕ່ແລ້ວລາວກໍ່ເລືອກທີ່ຈະບໍ່ໄປຕ່າງປະເທດ ເພາະກັບບ້ານເກີດ ພູມລຳເນົາເດີມເມືອງທີ່ພໍ່ແມ່ອາໄສຢູ່ ທາງຕອນໃຕ້ຂອງອິນເດຍ ແລະ ໄດ້ແວ່ວັດແຫ່ງໜຶຶ່ງໃນ ເມືອງມາດູຣາຍ ລາວບັງເອີນຜ່ານໄປເຫັນຊາຍແກ່ຊະລາໄຮ້ບ້ານກຳລັງກິນຂີ້ເຫຍື້ອ ເພື່ອປະທັງຊີວິດລາວຈຶ່ງຮີບໄປຊື້ອາຫານມາໃຫ້ຊາຍແກ່ຊະລາຄົນນັ້ນ

ພາບທີ່ເຫັນສ້າງຄວາມສະເທືອນໃຈໃຫ້ລາວຢ່າງແຮງ ລາວຈຶ່ງຕັດສິນໃຈຖິ້ມອະນາຄົດອັນສົດໃສ ແລ້ວອຸທິດຕົນເບິ່ງແຍງແລະເຮັດອາຫານລ້ຽງດູຄົນຍາກຈົນທີ່ບໍ່ສາມາດດູແລຕົນເອງໄດ້ ເຖິງພໍ່ແມ່ຈະບໍ່ເຫັນດີນຳໃນການເລືອກທາງເດີນໃນຄັ້ງນີ້ກໍ່ຕາມ ກ່ອນເດີນທາງຕະເວນແຈກອາຫານໃຫ້ຄົນໄຮ້ບ້ານ ແລະ ສ່ວນໃຫຍ່ເປັນຜູ້ຊະລາທີ່ຖືກລູກຫຼານປະຖິ້ມ ໂດຍເຂົາໄດ້ເດີນທາງໄກກ່ວາ 200 ກິໂລແມັດ ແຈກອາຫານໝົດແລ້ວຄ່ອຍກັບ ເຮັດແບບນີ້ມາຕະຫຼອດມາດົນນັບຫຼາຍສິບປີ

ລາວກ່າວວະລີເດັດ “ຄວາມຫິວໂຫຍຂອງຜູ້ຄົນເປັນແຮງໃຈໃນການເຮັດອາຫານແຈກ ຂ້ອຍມີຄວາມສຸກທຸກຄັ້ງທີ່ໄດ້ຊ່ວຍເຫຼືອຄົນທີ່ລຳບາກແລະຂ້ອຍກໍ່ຈະເຮັດມັນຕໍ່ໄປ ເພາະຂ້ອຍຮູ້ພວກເຂົາຕ້ອງການຂ້ອຍ”

ລາວບໍ່ເຄີຍນັບວ່າຊ່ວຍໃຫ້ຜູ້ຄົນອີ່ມທ້ອງໄປຫຼາຍສ່ຳໃດ ໂດຍຜູ້ສື່ຂ່າວໃນພື້ນທີ່ໄດ້ປະເມີນວ່າລາວຊ່ວຍລ້ຽງອາຫານຄົນຍາກໄຮ້ໄປແລ້ວກ່ວາ 2 ລ້ານມື້ ໃນເວລາຕໍ່ມາລາວກາຍເປັນຄົນດັງ ແລະ ໄດ້ຮັບການຍົກຍ່ອງຈາກ CNN ໃຫ້ເປັນ 1 ໃນ 10 CNN ວີລະບຸລຸດແຫ່ງຊາດແລະຕໍ່ມາໄດ້ລາງວັນດ້ານມະນຸດທຳລະດັບໂລກໃນປີ 2014 ນອກຈາກນີ້ລາວຍັງເປັນນັກສ້າງແຮງບັນດານໃຈ ເທິງເວທີ TED TALKS ຫຼາຍຄັ້ງຫຼາຍຄາວ ຢ່າຊັງຄົນທີ່ອິດສາເຈົ້!ແຕ່ຈົ່ງໃຫ້ກຽດທີ່ເຂົາອິດສາເຈົ້າເພາະວ່າເຂົາເປັນໜຶ່ງໃນຄົນທີ່ຄິດວ່າ…ເຈົ້າດີກ່ວາເຂົາ