ດ່ວນ‼️ເກີດອຸບັດຕິເຫດລົດກະບະຕໍາຮ້ານຂາຍເຄື່ອງແຄມທາງ ທີ່ບ້ານ ບຸ່ງຄຳ ເມືອງ ວິລະບູລີ ແຂວງສະຫວັນນະເຂດ. ໃນເວລາປະມານ 17:25 ຂອງວັນທີ 10/01/2022 ໄດ້ມີລົດກະບະລີໂວ້ ທີ່ແລ່ນຕາມເສັ້ນທາງໃຈກາງເມືອງ ມຸ້ງຫນ້າໄປທາງທິດຕາເວັນຕົກ ພໍແລ່ນມາໃກ້ປ້ຳນ້ຳມັນເຊື້ອໄຟລາວ (ປ້ຳນ້ຳມັນທ່ານບຸນເນືອງ) ລົດໄດ້ເສຍຫລັກ ແລະ ແລ່ນອອກນອກເສັ້ນທາງໄປຂ້າງຂວາມື ເຂົ້າຕຳຮ້ານຂາຍເຄື່ອງຂ້າງທາງ ຈົນກໍ່ໃຫ້ເກີດຄວາມເສຍຫາຍຫນັກພໍສົມຄວນ.
ແຕ່ໂຊກດີຄົນທີ່ຢູ່ໃນຮ້ານ ບໍ່ມີໃຜໄດ້ຮັບບາດເຈັບ.ສ່ວນຄົນຂັບລົດ ບາດເຈັບພໍສົມຄວນ.ສາເຫດຂອງອຸບັດຕິເຫດຄັ້ງນີ້ ຍັງຢູ່ໃນຂັ້ນຕອນການສືບສວນຂອງເຈົ້າຫນ້າທີ່ ທີ່ກ່ຽວຂ້ອງ.
ຂໍສະແດງຄວາມເສຍໃຈນຳຜູ້ປະສົບເຫດ ແລະ ຂໍໃຫ້ປອດໄພ.
Discussion about this post