“ສິງໂຕໂລງສົບ ຍົກພວກຕີໄວລຸ້ນສີໄຄ ແຕ່ຖືກໄວລຸ້ນສີໄຄຍົກພວກກັບມາເອົາຄືນ”
1/12/2021ເວລາ 22:35 ນາທີ ໄດ້ຮັບແຈ້ງຈາກສູນໃຫຍ່ວ່າມີຄົນຍິງກັນຢູ່ບ້ານຕາມມີໄຊ ສນ ສະພັງເມິກຈຶ່ງໄດ້ລົງກວດກາສະຖານທີ່ແລະເກັບກຳຂໍ້ມູນເບື້ອງຕົ້ນ ທ. ສິງໂຕໂລງສົບ ແມ່ນໄດ້ພາ ອ້າຍນ້ອງຂອງຜູ່ກ່ຽວໄປທຳຮ້າຍຮ່າງກາຍ (ຕີ) ໄວລຸ້ນແຖວສີໄຄ.
ຫຼັງຈາກທີ່ທຳຮ້າຍຮ່າງກາຍແລ້ວ ຜູ້ກ່ຽວ ແລະ ອ້າຍນ້ອງເຮັດວຽກນຳກັນກໍ່ກັບມາຢູ່ບ່ອນຂາຍໂລງສົບ ບ້ານຕາມມີໄຊ ເມືອງໄຊທານີ ນະຄອນຫຼວງວຽງຈັນ ພວກໄວລຸ້ນບໍ່ຊາບຊື່ຈຶ່ງໄດ້ຂີ່ລົດ 3 ຄັນມາທຳຮ້າຍຮ່າງກາຍພວກ ທ.ສິງໂຕ ໂລງສົບ ຄືນ ແຕ່ ທ. ສິງໂຕໂລງສົບ ໄດ້ເອົາ ຕົວລົບຫນີພວກໄວລຸ້ນຈຶ່ງໄດ້ທົບແວ່ນລົດຂອງ ທ.ສິງໂຕໂລງສົບ ຈຳນວນ 4 ຄັນໂດຍເເວ່ນແຕກ ທາງໜ້າທັງ 4 ຄັນ ແລະ ປະຕູຮົ້ວຈຳນວນໜຶ່ງ.
.
.
.
ພາບ-ຂ່າວ: ເຈົ້າໜ້າທີ່ ສນ ສະພັງເມິກ.
Discussion about this post