ໃນຕອນເຊົ້າຂອງວວັນທີ 23 ພະຈິກ 2021 ທີ່ ເດີນ ໂຮງຮຽນ ມໍປາຍ ເມືອງນາກາຍ ແຂວງຄຳມ່ວນໄດ້ມີພິທີເປີດ ການຮ່ວມມືກວດກູ້-ທໍາລາຍລະເບີດບໍ່ທັນແຕກ ລະຫວ່າງກອງທັບປະຊາຊົນລາວ ແລະ ກອງກວດກູ້ມິ່ນສາກົນກໍາລັງປະກອບອາວຸດ ແຫ່ງ ສ.ຣັດເຊຍ .
![](https://kkklao.com/wp-content/uploads/2021/11/5.1-4.jpg)
ພາຍໃຕ້ການເປັນປະທານຮ່ວມໂດຍ ທ່ານ ວັນໄຊ ພອງສະຫວັນ ເຈົ້າແຂວງ ຄໍາມ່ວນ, ທ່ານ ພົນຕີ ຈັນທອງ ສອນຕະອາດ ຮອງລັດຖະມົນຕີກະຊວງປ້ອງກັນປະເທດ ວ່າການຫົວຫນ້າກົມໃຫຍ່ເສນາທິການກອງທັບ, ທ່ານ ພັອ ອັນເດຣ ລີຄາຊ໋ອບ ທີ່ປຶກສາການທູດ ຝ່າຍທະຫານ ຣັດເຊຍ ປະຈໍາ ສປປ ລາວ.
![](https://kkklao.com/wp-content/uploads/2021/11/5.2-4.jpg)
ໃນໂອກາດພິທີດັ່ງກ່າວ ຄະນະນໍາເມືອງນາກາຍ ໄດ້ກ່າວຕ້ອນຮັບຕໍ່ກັບກອງທັບປະຊາຊົນລາວ ແລະ ກອງກວດກູ້ມິ່ນສາກົນກໍາລັງປະກອບອາວຸດ ແຫ່ງ ສ. ຣັດເຊຍ ທີ່ລົງເຄື່ອນໄຫວ ກວດກູ້ທໍາລາຍລະເບີດບໍ່ທັນແຕກ ທີ່ເມືອງນາກາຍ. ທ່ານ ພົນຕີ ຈັນທອງ ສອນຕະອາດ ໄດ້ໃຫ້ກຽດຜ່ານຈຸດປະສົງ ເພື່ອກວດກູ້ລະເບີດທີ່ບໍ່ທັນແຕກ ເພື່ອຄວາມປອດໄພຂອງປະຊາຊົນ ແລະ ໃນຂອດການພັດທະນາໂດຍບໍ່ໃຫ້ມີສິ່ງກິດຂວາງ ແລະ ອຸປະສັກ.
![](https://kkklao.com/wp-content/uploads/2021/11/5.3-2.jpg)
ພ້ອມນັ້ນ ທ່ານ ສົມບັດ ປັນຍາສິດ ຮອງເຈົ້າເມືອງໆນາກາຍ ຍັງໄດ້ຜ່ານຂໍ້ຕົກລົງຂອງທ່ານ ເຈົ້າເມືອງໆ ນາກາຍ ວ່າດ້ວຍການມອບດິນໃຫ້ກັບທີມງານກວດກູ້ ແລະ ທໍາລາຍລະ ເບີດບໍ່ທັນແຕກ ລວມທັງ ມີ 8 ຈຸດ ມີເນື້ອທີ່ທັງໝົດ 120 ເຮັກຕາຂອງເມືອງນາກາຍ ໃນຕອນທ້າຍຍັງໄດ້ໄປທ່ຽວຊົມການວາງສະແດງອຸປະກອນຄົບຊຸດກວດກູ້ທໍາລາຍລະເບີດ ພ້ອມທັງຮັບຊົມການສາທິດຕົວຈິງຈາກທີມງານພາກສະໜາມ.
![](https://kkklao.com/wp-content/uploads/2021/11/5.4-1.jpg)
ພາບ ແລະ ຂ່າວ ທອງລອນ ມາລາແກ້ວມະນີ
ທ່ີ່ມາ: ເສດຖະກິດການຄ້າ
Discussion about this post