ເຈົ້າໜ້າທີ່!. ເມືອງຄູນຄຳ ກັກຕົວຜູ້ລັກລອບຂົນຢາເສບຕິດພ້ອມຂອງກາງຢາບ້າ ເກືອບ​ 4​ ແສນເມັດ

ວັນທີ 24/11/2021ເຈົ້າໜ້າທີ່ ປກສ ເມືອງຄູນຄຳ ແຂວງຄຳມ່ວນ ປະຈຳຢູ່ປ້ອມຈະລາຈອນ ສາມແຍກກອງລໍ,​ ໄດ້ເຂົ້າກວດລົດເປົ້າໝາຍເປັນລົດກະບະຣີໂວ້ ໝາຍເລກທະບຽນ ຫພ 3366 ກຳແພງນະຄອນ, ເຈົ້າໜ້າທີ່ ໄດ້ກັກຕົວຜູ້ລັກລອບຂົນຢາເສບຕິດ (ຢາບ້າ) ໄດ້ 2 ຄົນ ພ້ອມ ຢືດໄດ້ຂອງກາງລົດ 1 ຄັນ, ຢາບ້າໄດ້ 65 ແພັກ ເທົ່າກັບ 195 ມັດ ເປັນຈຳນວນ 390.000 ເມັດ.

ຈາກນັ້ນ ໄດ້ມອບຜູ້ຖືກຫາ ແລະ ຢາເສບຕິດໃຫ້ພະແນກຕ້ານ ສສກ ຢາເສບຕິດ ປກສ ແຂວງຄຳມ່ວນ ດຳເນີນຕາມລະບຽບກົດໝາຍ.

ຂ່າວ: ຈັນທະວົງ​ ອຸ່ນວິໄລ