ກັກຕົວໄວລຸ້ນມົ້ວສຸມ ຢາເສບຕິດ ຈຳນວນ 2 ຄົນ

ໃນວັນທີ 26 ຕຸລາ 2021 ເຈົ້າໜ້າທີ່ ປກສ ເມືອງນາຊາຍທອງ ໄດ້ກັກຕົວໄວລຸ້ນ ມົ້ວສຸມເສບຢາເສບຕິດ ຢູ່ເຂດບ້ານສີເກີດ ເມືອງນາຊາຍທອງ 2 ຄົນ: ຄື ທ້າວ ຊຸມພອນ ຫຼື ດໍາ ອາຍຸ 28 ປີ ກໍາມະກອນ ບ້ານຜາງແຫ້ງ ແລະ ທ້າວ ບຸນເລີ ຫຼື ເລີດ ອາຍຸ 30 ປີ, ກໍາມະກອນ ບ້ານສີເກີດ ເມືອງນາຊາຍທອງ ນວ, ພ້ອມຢາບ້າ ຈຳນວນ 5 ເມັດ,

ຜ່ານການສອບສວນເບື້ອງຕົ້ນ ທັງ 2 ຮັບສາລະພາບວ່າ: ຢາບ້າທີ່ນໍາມາເສບ ຊື້ນໍາຊາຍຄົນໜຶ່ງ ບໍ່ຮູ້ຊື່ ອາຍຸປະມານ 35 ປີ ເຂດບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ. ປັດຈຸບັນ ປກສ ເມືອງນາຊາຍທອງ ໄດ້ກັກຕົວພວກກ່ຽວໄວ້ ເພື່ອສືບຄົ້ນຫາຂະຫຍາຍຜົນ ຜູ້ຮ່ວມຊື້-ຂາຍຢາເສບຕິດ ແລະ ທີ່ມາຂອງຢາບ້າ ແລະ ຈະນໍາໄປສຶກສາອົບຮົມແລ້ວ ມອບໃຫ້ຜູ້ປົກຄອງສືບຕໍ່ຄຸ້ມຄອງ ຕິດຕາມການເຄື່ອນໄຫວ ແລະ ສຶກສາອົບຮົມຕໍ່ໄປ.