ແຈ້ງການໄຊຍະບູລີ ປະຕິບັດໃນການເຂົ້າ-ອອກພາຍໃນແຂວງ ຕໍ່ກັບລົດຂົນສົ່ງສິນຄ້າທີ່ມາຈາກເຂດສ່ຽງ

ໃນວັນທີ 25 ຕຸລາ 2021 ຫົວໜ້າຄະນະສະເພາະກິດຄວບຄຸມໂຄວິດ-19 ແຂວງໄຊຍະບູລີ ແຈ້ງມາຍັງບັນດາທ່ານເພື່ອຊາບຕໍ່ກັບມາດຕະການທີ່ຈະຕ້ອງປະຕິບັດ ໃນການເຂົ້າ-ອອກ ຂອງແຂວງໄຊຍະບູລີ ຕໍ່ກັບລົດຂົນສົ່ງສິນຄ້າ, ຊ່ຽວຊານ, ວິຊາການ ທີ່ມາຈາກເຂດສ່ຽງ, ຈໍາເປັນຕ້ອງປະຕິບັດ ມາດຕະການດັ່ງລຸ່ມນີ້.

1.​ ສໍາລັບລົດຂົນສົ່ງສິນຄ້າທີ່ມາຈາກເຂດທີ່ມີຄວາມສ່ຽງໃນໄລຍະການເຝົ້າລະວັງຢ່າງເຄັ່ງຮ້ອນ ການນໍາສົ່ງສິນຄ້າເຂົ້າ-ອອກແຂວງໄຊຍະບຸລີ ໃຫ້ປະຕິບັດການເຄື່ອນຖ່າຍສິນຄ້າ, ຖ້າບໍ່ສາມາດເຄື່ອນຖ່າຍສິນຄ້າແມ່ນຈະຕ້ອງໄດ້ປ່ຽນຫົວລາກ ຫຼື ໂຊເຟີລົດ.

2. ບຸກຄົນທີ່ມີຄວາມຈໍາເປັນທີ່ຈະຕ້ອງເຂົ້າມາແຂວງໄຊຍະບູລີ ກ່ອນອອກເດີນທາງ ຈະຕ້ອງມີໃບຢັ້ງຢືນການສັກວັກຊິນ, ມີໃບຢັ້ງຢືນການກວດຫາເຊື້ອ COVID-19, ມີໃບຢັ້ງຢືນຂອງຄະນະສະເພາະກິດຂອງແຂວງຕົ້ນທາງ ແລະ ຈະຕ້ອງປະຕິບັດດັ່ງນີ້: ກ່ອນເຂົ້າມາແຂວງໄຊຍະບູລີຈະຕ້ອງກວດຫາເຊື້ອ COVID-19 ດ້ວຍລະບົບ PCR ພາຍໃນ 12 ຊົ່ວໂມງ ຈຶ່ງສາມາດເຂົ້າມາແຂວງໄຊຍະບູລີໄດ້ ບໍ່ເກີນ 3-5 ວັນ.ພາຍຫຼັງຄົບກໍານົດ ຖ້າຍັງສືບຕໍ່ຢູ່ແຂວງໄຊຍະບູລີ ແມ່ນໃຫ້ກວດຫາເຊື້ອ COVID-19 ດ້ວຍລະບົບ PCR ພາຍໃນ 72 ຊົ່ວໂມງ ຄັ້ງທີ 2, ຖ້າຜົນກວດເປັນຜົນລົບ ສາມາດຢູ່ຕໍ່ໄດ້ອີກ 7 ວັນ.

3.​ ນັກວິຊາການ, ຊ່ຽວຊານ ແລະ ແຮງງານນອກ ທີ່ຈະເຂົ້າມາເຮັດວຽກຢູ່ແຂວງໄຊຍະບູລີ ຈະຕ້ອງປະຕິບັດດັ່ງນີ້: ກ່ອນເຂົ້າມາແຂວງໄຊຍຸລີ ໃຫ໌ຈຳກັດບໍລິເວນຕົວເອງ 7 ວັນ ແລະ ກວດຫາເຊື້ອຢູ່ບ່ອນຜູ້ກຽວຈໍາກັດບໍລິເວນ ດ້ວຍລະບົບ PCR ພາຍໃນ 72 ຊົ່ວໂມງ ແລະ ໃຫ້ມີທາມລາຍໃນໄລຍະທີ່ຜູ້ກ່ຽວກັກຕົວ 7 ວັນແມ່ນໄດ້ພົວພັນໃຜແດ.ພາຍຫຼັງເຂົ້າມາແຂວງໄຊຍະບູລີ ແມ່ນຈະຕ້ອງໄດ້ຈໍາກັດບໍລິເວນ 14 ວັນ ຢູ່ເຮືອນພັກ ຫຼື ສະຖານທີ່ ຄະນະສະເພາະກິດຂັ້ນແຂວງກໍານົດໃຫ້ ແລະ ກວດຫາເຊື້ອ COVID-19 ຕື່ມ 2 ຄັ້ງ, ຖ້າຜົນກວດເປັນລົບແລ້ວ ມອບໃຫ້ບໍລິສັດຜູ້ກ່ຽວເອົາໄປຈໍາກັດບໍລິເວນຕື່ມ 7 ວັນ.ໝາຍເຫດ: ກ່ອນອອກຈາກສະຖານທີ່ຈໍາກັດບໍລິເວນ ຜູ້ກ່ຽວ ຫຼື ບໍລິສັດຈະຕ້ອງຊຳລະຄ່ກວດພະຍາດດ້ວຍລະບົບ PCR ກ່ອນ ຈຶ່ງສາມາດອອກຈາກບ່ອນຈໍາກັດບໍລິເວນໄດ້ (ກໍລະນີບໍລິສັດມີຄວາມຂາດເຂີນຕ້ອງຈ່າຍກ່ອນ ຕໍ່າສຸດບໍ່ໃຫ້ຫຼຸດ 70%, ເມື່ອໄດ້ດໍາເນີນທຸລະກິດມີທຶນແລ້ວໃຫ້ມາຊໍາລະໝົດ, ຖ້າຊໍາລະບໍ່ໝົດແມ່ນຈະບໍ່ສາມາດອອກນອກປະເທດໄດ້).

4.​ ສຳລັບ ພົນລະເມືອງພາຍໃນແຂວງໄຊຍະບູລີໃນໄລຍະເຝົ້າລະວັງຢ່າງເຄັ່ງຮ້ອນ ທີ່ຈະເດີນທາງເຂດທີ່ມີຄວາມສ່ຽງ ຈະຕ້ອງມີ ທາມລາຍ 5 ວັນກ່ອນອອກເດີນທາງ, ໃບຢັ້ງຢືນການສັກວັກຊິນ, ບົດບັນທຶກການກັກຕົວກັບຄະນະສະເພາະກິດຂັ້ນເມືອງຕົນ, ໃບຢັ້ງຢືນຈາກແຂວງປາຍທາງ ວ່າບໍ່ແມ່ນບ້ານເຂດແດງ ແລະ ຈຸດປະສົງຂອງການໄປຈະຕ້ອງມີຄວາມຈໍາເປັນແທ້ ຈຶ່ງສາມາດອານຸຍາດໃຫ້ເດີນທາງໄດ້ ແລະ ກັບມາຈະຕ້ອງຈໍາກັດບໍລິເວນຢູ່ສະຖານທີ່ຂອງເມືອງຢັ້ງຢືນໃຫ້ຈົນຄົບກໍານົດ 21 ວັນ.

ທີ່ມາຂ່າວ:Lao Youth Radio FM 90.0 Mhz