ວັນທີ 22 ຕຸລາ 2021, ຄອບຄົວ ທ່ານ ວິໄລສອນ ສີນວນເພົາ-ທ່ານ ນາງ ແສງມະນີ ສຸວັນນະເມທີ, ຄອບຄົວ ທ່ານ ຈຳປີ ສີລັດຕະນະວົງ, ຄອບ ຄົວ ທ່ານ ສີວຽງແກ້ວ ທຳມະວົງ, ຄອບຄົວ ທ່ານ ພູມປັນຍາ ໄຊຊະນະວົງເພັດ, ຄອບຄົວ ທ່ານ ຈັນ ທະສອນ ວົງປະດິດ, ຄອບຄົວ ທ່ານ ນາງ ສົມພາວັນ ພູມສະຫວັດ, ຄອບຄົວທ່ານ ສຸກສາຄອນ ບຸນ ທາທິບ,ຄອບຄົວທ່ານ ວັນນະສັກ ສູນດາໄລ, ຄອບ ຄົວ ທ່ານປາກັ້ງ ແລະ ທິມກິລາເພື່ອນຕຳຫຼວດ ໄດ້ຊຸກຍູ້ເງິນຈຳນວນໜຶ່ງ,ພ້ອມນໍ້າດື່ມ, ກາເຟ-ໂອວັນຕິນ, ມີ່, ຜັດອັດດັງ, ໄຂ່ ແລະ ເຄື່ອງດື່ມໄປມອບ ໃຫ້ 2 ຈຸດ ຄື: ສູນບ້ານພູເຂົາຄຳ ເມືອງແກ້ວອຸດົມ ແລະ ຈຸດກວດກາ ເມືອງທຸລະຄົມ ແຂວງວຽງຈັນ ລວມມູນຄ່າ 3.500.000 ກີບ.
ທ່ານ ດາວວອນ ສໍພາບມີໄຊ ນາຍບ້ານພູເຂົາຄຳ ກ່າວຮັບເຄື່ອງພ້ອມທັງສະແດງຄວາມຂອບໃຈມາຍັງບັນດາຄອບຄົວຜູ້ໃຈບຸນ ທີ່ເຫັນໄດ້ຄວາມໝາຍຄວາມສຳຄັນ ແລະ ຄວາມຫຍຸ້ງຍາກໃນການປະຕິບັດໜ້າທີ່ໃນຊ່ວງການແພ່ລະບາດຂອງເຊື້ອພະຍາດໂຄວິດ-19 ເຊິ່ງບ້ານພູເຂົາຄໍາ ກໍເປັນບ້ານໜື່ງ ທີ່ເປັນບ່ອນກັກຕົວຜູ້ທີ່ມີຄວາມສ່ຽງໃນການຕິດເຊື້ອ, ເຊິ່ງເຄື່ອງທີ່ໄດ້ຮັບໃນຄັ້ງນີ້ ຈະມອບຕໍ່ໃຫ້ກຳລັງ ປກຊ-ປກສ ທີ່ປະຈຳການເວນຍາມຕະ ຫຼອດ 24 ຊົ່ວໂມງ ແລະ ມອບໃຫ້ຜູູ້ທີ່ມີຄວາມສ່ຽງທີ່ມາກັກຕົວຢູ່ພາຍໃນສູນບ້ານພູເຂົາຄຳ.
ໃນໂອກາດນີ້,ກໍໄດ້ອວຍພອນໄຊ ມາຍັງບັນດາ ຄອບຄົວຜູ້ໃຈບຸນຈົ່ງມີສຸຂະພາບແຂງແຮງ, ປະສົບຜົນສຳເລັດໃນໜ້າທີ່ວຽກງານໃນສ່ວນຕົວ ແລະ ຄອບຄົວ.
ຂ່າວ:ຄວາມສະຫງົບ Lao Security News
Discussion about this post