ຈັບສຶກສາອົບຮົມ ໄວລຸ້ນມົ້ວສຸມຢາເສບຕິດຈໍານວນ 3 ຄົນ

ພັທ ສົມພົງ ສໍມະນີວົງ ຮອງຫົວໜ້າ ປກສ ກຸ່ມ ວັດນາກ ໃຫ້ຮູ້ວ່າ: 22:30 ໂມງ ຂອງວັນທີ 20 ຕຸລາ 2021, ໄດ້ຮັບແຈ້ງຄວາມຈາກພົນລະເມືອງວ່າ: ມີການມົ້ວສຸມຢາເສບຕິດ ຢູ່ເຂດບ້ານດອນກອຍ ເມືອງສີສັດຕະນາກ ນວ ກຳລັງ ປກສ ກຸ່ມ ຈິ່ງລົງໄປແກ້ໄຂ ພົບເຫັນເປົ້າໝາຍ ຈໍານວນ 3 ຄົນ 1. ທ້າວ ວິລະໄຊ ອາຍຸ 20 ປີ, ອາຊີບ ກໍາມະກອນ; 2. ທ້າວ ສິງຄໍາ ອາຍຸ 21 ປີ, ອາຊີບ ກໍາມະກອນ ແລະ 3. ທ້າວ ພອນ ອາຍຸ 22 ປີ ອາຊີບ ກໍາມະກອນ ຈິ່ງໄດ້ນຳຕົວຂຶ້ນມາຫ້ອງການບ້ານ ເພື່ອສຶກສາອົບຮົມກ່າວເຕືອນ ແລ້ວມອບໃຫ້ຜູ້ປົກຄອງຮັບປະກັນເອົາ ສືບຕໍ່ສຶກສາອົບຮົມ ແລະ ຄຸ້ມຄອງ.

ກອງບັນຊາການ ປ້ອງກັນຄວາມສະຫງົບ ນະຄອນຫຼວງວຽງຈັນ ຮຽກຮ້ອງມາຍັງທຸກພາກສ່ວນເປັນເຈົ້້າການປະຕິບັດສິດ-ພັນທະຂອງຕົນປະກອບສ່ວນ ເຂົ້າໃນວຽກງານຮັກສາຄວາມສະຫງົບ ຖ້າພົບເຫັນປະກົດການທີ່ເປັນໜໍ່ແໜງທີ່ຜິດຕໍ່ກົດໝາຍ ໃຫ້ລາຍງານ, ສົ່ງຂໍ້ຄວາມ, ຮູບພາບ, ວິດີໂອ, ສຽງ ແລະ ອື່ນໆ ມາຍັງທາງວອດແອັບເບີ 02028899774 ຮັບແຈ້ງຕະຫຼອດ 24 ຊົ່ວໂມງ ເພື່ອຮ່ວມແຮງຮ່ວມໃຈການປ້ອງກັນ, ສະກັດກັ້ນການແຜ່ລະບາດຂອງພະຍາດໂຄວິດ -19 ບໍ່ໃຫ້ແຜ່ລາມເປັນວົງກ້ວາງ.