ໃນຄືນວັນທີ 19 ກັນຍາ 2021, ກອງພັນປ້ອງກັນເຄື່ອນທີ່ໄວ ນະຄອນຫຼວງວຽງຈັນ ອອກກວດກາລາດຕະເວນ ຕາມພື້ນທີ່ຄວາມຮັບຜິດຊອບ ພໍຮອດເຂດຕະຫຼາດໂນນຄໍ້ ເມືອງໄຊເສດຖາ ນະຄອນຫຼວງວຽງຈັນ ເວລາ ປະມານ 23:55 ໂມງ ພົບເຫັນກຸ່ມຄົນຮ້ອງຂໍຄວາມຊ່ວຍເຫຼືອຈາກ ເຈົ້າໜ້າທີ່ຕໍາຫຼວດສາຍກວດວ່າ: ມີຄົນລັກລົດຈັກ ເຈົ້າໜ້າທີ່ ຈິ່ງຂັບຂີ່ລົດໄລ່ຕາມ ສາມາດກັກຕົວ ທ້າວ ແຊມ ອາຍຸ 20 ປີ ອາຊີບ ກໍາມະກອນ ປັດຈຸບັນ ພັກເຊົາຢູ່ ບ້ານຫົວຂົວ ເມືອງໄຊເສດຖາ ພ້ອມຂອງກາງ ລົດຈັກເວບ 100 ສີຟ້າດໍາ ບໍ່ມີປ້າຍທະບຽນພາຍຫຼັງກັກຕົວໄດ້ ກໍສົ່ງຜູ້ກ່ຽວໃຫ້ ກອງບັນຊາການ ປກສ ເມືອງໄຊເສດຖາ ດໍາເນີນຄະດີ.
![](https://kkklao.com/wp-content/uploads/2021/10/2.1-copy-1.jpg)
ເວລາຕໍ່ມາໄດ້ກັກຕົວ ທ້າວ ໄຊຊະນະ ອາຍຸ 29 ປີ ອາຊີບ ກໍາມະກອນ ຢູ່ບ້ານໂພນປ່າເປົ້າ ເມືອງສີສັດຕະນາກ ຢູ່ຖະໜົນກໍາແພງເມືອງ ເຂດບ້ານໂພນປ່າເປົ້າ ພ້ອມຂອງກາງຢາບ້າ 03 ເມັດ ສົ່ງໃຫ້ກອງບັນຊາການ ປກສ ເມືອງໄຊເສດຖາ ດໍາເນີນຄະດີ ແລະ ໃນເວລານໍາສົ່ງທ້າວໄຊຊະນະໃຫ້ ກອງບັນຊາການ ປກສ ເມືອງໄຊເສດຖາ ແລ້ວເຈົ້າໜ້າທີ່ ກອງພັນປ້ອງກັນເຄື່ອນທີ່ໄວ ຍັງສາມາດກັກຕົວຜູ້ຖືກຫາ ໄດ້ອີກ 1 ຄົນ ຄື: ທ້າວ ອຸ້ຍ ອາຍຸ 40 ປີ ອາຊີບ ກໍາມະກອນ ຢູ່ບ້ານໂພນພະເນົາ ເມືອງໄຊເຊດຖາ ພ້ອມຂອງກາງຢາບ້າ 07 ເມັດ ສົ່ງໃຫ້ພະແນກສະກັດກັ້ນ ແລະ ຕ້ານຢາເສບຕິດ ນວ ດໍາເນີນຄະດີ.ກອງບັນຊາການ ປກສ ນວ ຮຽກຮ້ອງ ມາຍັງທຸກຄົນໃນສັງຄົມ ໃຫ້ປະຕິບັດພັນທະຂອງຕົນປະກອບສວນເຂົ້າໃນວຽກງານຮັກສາຄວາມສະຫງົບ ຄວາມເປັນລະບຽບຮຽບຮ້ອຍໃນສັງຄົມ ຖ້າພົບຫັນບັນຫາທີ່ເປັນໜໍ່ແໜງ ຂອງການກະທໍາຜິດທາງອາຍາ ຫຼື ການກະທໍາທີ່ເຕະຕ້ອງເຖິງການພົວພັນຂອງສັງຄົມ ທີ່ກົດໝາຍ ແລະ ລະບຽບການກໍານົດໄວ້ ຂໍຄວາມຮ່ວມມື ແຈ້ງມາທີ່ເບີວອດແອັບ ປກສ ນວ 020 28899774 ຫຼື ແຈ້ງຜ່ານຊ່ອງທາງເຟັສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.
![](https://kkklao.com/wp-content/uploads/2021/10/2.1-5.jpg)
ທີ່ມາ: ປ້ອງກັນຄວາມສະຫງົບ ນະຄອນຫຼວງວຽງຈັນ.
Discussion about this post