ກົມອຸຕຸ ແຈ້ງເຕືອນ ພາຍຸກົມປາສຸ ມີຝົນຕົກໜັກ ບາງທ້ອງຖິ່ນ 14 ແຂວງ

ກົມອຸຕຸອອກແຈ້ງເຕືອນພາຍຸ ກົມປາສຸ ສະບັບທີ 2 ຈະສົ່ງຜົນເຮັດໃຫ້ຝົນຕົກໜັກ ຫາ ໜັກຫຼາຍ ຢູ່ບາງທ້ອງຖິ່ນ 14 ແຂວງກົມອຸຕຸນິຍົມ ແລະ ອຸທົກກະສາດ ແຈ້ງວ່າ: ພາຍຸເຂດຮ້ອນ ກົມປາສຸ (TS KOMPASU) ຫົວທີ 18, ຊຶ່ງໃນເວລາ 10:00 ໂມງ ຂອງວັນທີ 13 ຕຸລາ 2021 ມີຈຸດສູນກາງຢູ່ເຂດທະເລຈີນໃຕ້ຕອນເທິງໃນເສັ້ນຂະໜານທີ 19.2 ອົງສາເໜືອ ແລະ ເສັ້ນແວງທີ 112.0 ອົງສາຕາເວັນອອກ, ກໍາລັງເຄື່ອນທີ່ໃນທິດຕາເວັນຕົກ ດ້ວຍຄວາມໄວ 35 ກິໂລແມັດຕໍ່ຊົ່ວໂມງ. ພາຍຸຫົວນີ້ ຈະເຄື່ອນທີ່ຜ່ານເກາະໄຮໜໍາ ແລະ ຈະສືບຕໍ່ເຄື່ອນທີ່ຂຶ້ນຝັ່ງທາງພາກເໜືອ ຂອງປະເທດຫວຽດນາມ ໃນຕອນແລງຂອງວັນທີ 14 ຕຸລາ 2021.ຫຼັງຈາກນັ້ນໃນໄລຍະວັນທີ 14 ຫາ 15 ຕຸລາ 2021

ພາຍຸຫົວນີ້ ຈະອ່ອນກຳລັງລົງກາຍເປັນພາຍຸດີເປຼຊັ້ນ ແລະ ຈະສືບຕໍ່ເຄື່ອນທີ່ເຂົ້າຢູ່ໃນລະຫວ່າງເຂດພາກເໜືອດ້ານຕາເວັນອອກ ແລະ ພາກກາງ ຂອງປະເທດລາວເຊັ່ນ: ແຂວງຫົວພັນ, ຊຽງຂວາງ, ໄຊສົມບູນ, ວຽງຈັນ, ນະຄອນຫຼວງວຽງຈັນ, ໄຊຍະບູລີ, ບໍລິຄໍາໄຊ ແລະ ຄໍາມ່ວນ. ຊຶ່ງໃນໄລຍະວັນທີ 13 ຫາ 16 ຕຸລາ 2021 ຈະເຮັດໃຫ້ມີຝົນຕົກໃນລະດັບປານກາງ ຫາຕົກໜັກຢູ່ທົ່ວໄປໃນແຕ່ລະພາກ ແລະ ຕົກໜັກຫຼາຍ ພ້ອມມີລົມພັດແຮງຢູ່ບາງທ້ອງຖິ່ນແຂວງ ພາກເໜືອດ້ານຕາເວັນອອກ, ພາກກາງ ແລະ ພາກໃຕ້ ເຊັ່ນ: ແຂວງຫົວພັນ, ຊຽງຂວາງ, ຫຼວງພະບາງ, ໄຊຍະບູລີ, ໄຊສົມບູນ, ວຽງຈັນ, ນະຄອນຫຼວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ປາສັກ, ສາລະວັນ, ເຊກອງ ແລະ ອັດຕະປື ຊຶ່ງຈະເຮັດໃຫ້ເກີດມີຕົ້ນໄມ້ຫັກລົ້ມ, ຫຼັງຄາເຮືອນເປ່ເພ, ນ້ຳຖ້ວມອັ່ງ, ນໍ້າຖ້ວມຍຶ່ງແລະ ດິນເຈື່ອນ ຢູ່ບາງທ້ອງຖິ່ນ.ແຈ້ງເຕືອນເຖີງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງດັ່ງກ່າວ ໂດຍສະເພາະຜູ້ທີ່ອາໄສຢູ່ລຽບຕາມຮ່ອມພູ, ເປີ້ນພູ ແລະ ແຄມແມ່ນ້ໍາຕ່າງໆ ຈົ່ງມີສະຕິລະມັດລະວັງຕໍ່ສະພາບດິນເຈື່ອນ, ນໍ້າຖ້ວມຊ, ນ້ໍາຖ້ວມຍື່ງ ແລະ ລົມພັດແຮງ ທີ່ຈະເກີດຂື້ນໄດ້ໃນໄລຍະນີ້ ພ້ອມທັງກະກຽມ ຍົກຍ້າຍວັດຖຸສິ່ງຂອງທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດ