ວັນທີ 5 ຕຸລາ ຜ່ານມາ,ປກສ ກຸ່ມນາຊອນ ເມືອງປາກງື່ມ ນະຄອນຫຼວງວຽງຈັນ ສາມາດຕິດຕາມຈັບ ທ້າວ ກົນ ອາຍຸ 35 ປີ ຢູ່່ບ້ານພ້າວ ເມືອງປາກງື່ມ ໄດ້ພ້ອມຂອງກາງ ຢາບ້າ 190 ເມັດ ໄປດໍາເນີນຄະດີ.
ຜ່ານການສອບສວນ ເບື້ອງຕົ້ນ ຜູ້ກ່ຽວສາລະພາບວ່າ: ໃນວັນທີ 4 ຕຸລາ 2021,ໄດ້ຊື້ຢາບ້າ ຈໍານວນ 190 ເມັດ ຢູ່່ບ້ານເວີນແຄນ ເມືອງປາກງື່ມ ນວ,ພາຍຫຼັງໄດ້ຢາບ້າ ກໍກັບມາບ້ານ,ມາຮອດວັນທີ 5 ຕຸລາ ກໍເອົາຢາອອກມາເສບຢູ່່ເຮືອນ ກໍຖືກເຈົ້າໜ້າທີ່ ປກສ ກຸ່ມນາຊອນ ເຂົ້າກັກຕົວ ພ້ອມຂອງກາງ.
ຜູ້ກ່ຽວ ຍັງສາລະພາບອີກວ່າ: ກ່ອນໜ້ານີ້,ໄດ້ໄປເຮັດວຽກກຳມະກອນ ຢູ່່ປະເທດເພື່ອນບ້ານ ແລະ ໄດ້ພົວພັນເສບຢາບ້າ ມາແຕ່ປີ 2005 ແລະ ມາຮອດປີ 2020 ກໍໄດ້ກັບຄືນມາຢູ່່ບ້ານ.ຫຼັງຈາກນັ້ນ ກໍໄດ້ພົວພັນເສບ ແລະ ຄ້າຂາຍຢາເສບຕິດ.
ປັດຈຸບັນ. ຜູ້ຖືກຫາດັ່ງກ່າວ, ປກສ ກຸ່ມນາຊອນ ໄດ້ນໍາສົ່ງຕົວໃຫ້ກອງບັນຊາການ ປກສ ເມືອງປາກງື່ມ ສືບຕໍ່ດໍາເນີນການສອບສວນຂະຫຍາຍຜົນ ເພື່ອດໍາເນີນຄະດີຕາມກົດໝາຍ.
Discussion about this post