ເຈົ້າໜ້າທີ່ ບຸກຈັບ ແລະ ທຳລາຍ ກຸ່ມມົ້ວສຸມຫຼີ້ນການພະນັນ(ໝາກກຸ້ງ-ໄກ່)

ໃນວັນທີ 5 ຕຸລາ 2021 ເຈົ້າໜ້າທີ່ ກອງພັນປ້ອງກັນເຄື່ອນທີ່ ນວ ໄດ້ອອກກວດກາລາດຕະເວນເພື່ອຮັກສາຄວາມສະຫງົບ ໃນຟື້ນທີ່ ນວ ມາຮອດເວລາ 17:00 ໂມງ ຂອງວັນດຽວກັນໄດ້ພົບເຫັນກຸ່ມມົ້ວສຸມຫຼີ້ນການພະນັນທີ່ຕ້ອງຫ້າມ (ໝາກກຸ້ງ-ໄກ່) ຢູ່ເຮືອນຂອງ ນາງ ເກດສຸລິນ ຈັນທະລາ ອາຍຸ 34 ປີ ບ້ານນາໄຫ ໜ່ວຍ 75 ເມືອງຫາດຊາຍຟອງ ນວ ມີທັງໝົດ 12 ຄົນ, ຍິງ 10 ຄົນ ພ້ອມດ້ວຍອຸປະກອນການຫຼີ້ນພະນັນຄື: ແຜ່ນ ກຸ້ງ-ໄກ່ ຈຳນວນ 3 ແຜ່ນ, ເຈົ້າໜ້າທີ່ ຈຶ່ງໄດ້ນຳຕົວພວກກ່ຽວ ມາກອງພັນປ້ອງກັນເຄື່ອນທີ່ ນວ ສຶກສາອົບຮົມກ່າວເຕືອນ ແລະ ປັປໃໝຕາມລະບຽບການ. ກອງບັນຊາການ ປກສ ນວ ຮຽກຮ້ອງສັງຄົມ ຈົ່ງປະຕິບັດພັນທະຊ່ວຍເຈົ້າໜ້າທີ່ພົບເຫັນການເຄື່ອນໄຫວ ທີ່ຜິດຕໍ່ກົດໝາຍບ້ານເມືອງ ອັນນຳໄປສູ່ຄວາມບໍ່ເປັນລະບຽບຮຽບຮ້ອຍຕໍ່ສັງຄົມ ໃຫ້ແຈ້ງຂໍ້ມູນຜ່ານຊ່ອງທາງເບີວອດແອັບ 020 28899774 ຫຼື ຊ່ອງທາງເຟັສບຸກ ປກສ ນວ.