ກັກໂຕເປົ້າໝາຍຊື້-ຂາຍຢາເສບຕິດປະເພດຢາໄອສ໌ 4 ຖົງນ້ອຍ

ເວລາ 21 ໂມງ 00 ນາທີ ວັນທີ 4 ກັນຍາ 2021, ເຈົ້າໜ້າທີ່ ປກສ ກຸ່ມ 5 ໜອງທາ ສົມທົບກັບ ປກສ ບ້ານຫ້ວຍຫົງ ອອກກວດກາລາດຕະເວນຕາມພື້ນທີ່ ພົບເຫັນເປົ້າໝາຍຢູ່ ຮ່ອມ 20 ບ້ານຫ້ວຍຫົງ ເມືອງຈັນທະບູລີ ນວ ຈຶ່ງເຂົ້າກວດຄົ້ນ ນາງ ລັດສະໝີ ອາຍຸ 23 ປີ, ກຳມະກອນ ພັກເຊົາຢູ່ບ້ານນາເລົ່າ ເມືອງສີໂຄດຕະບອງ ນວ ເຫັນຢາເສບຕິດປະເພດຢາໄອສ໌ 4 ຖົງນ້ອຍ ຈຶ່ງນຳຕົວສົ່ງໃຫ້ ປກສ ເມືອງຈັນທະບູລີ ສືບຕໍ່ຂະຫຍາຍຜົນສືບຄົ້ນຫາກຸ່ມແກ້ງພັກພວກມາດຳເນີນຄະດີຕາມກົດໝາຍ.ເຫັນວ່າພຶດຕິກໍາການເຄື່ອນໄຫວຂອງຜູ້ຖືກຫາ ແມ່ນຜິດຕໍ່ປະມວນກົດໝາຍອາຍາ ກຳນົດໄວ້ໃນມາດຕາ 314 ກອງບັນຊາການ ປກສ ນະຄອນຫຼວງວຽງຈັນຮຽກຮ້ອງທົ່ວສັງຄົມ ໂດຍສະເພາະຊາວ ນະຄອນຫຼວງວຽງຈັນ ຈົ່ງປະກອບສ່ວນປະຕິບັດພັນທະຂອງຕົນ ຖ້າພົບເຫັນການເຄື່ອນໄຫວທີ່ຜິດຕໍ່ກົດໝາຍແຈ້ງມາເບີ ວອດແອັບ ປກສ ນວ 020 28899774.