ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ໂດຍໄດ້ຮັບມອບໝາຍຈາກຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດໂຄວິດ ຖະແຫຼງຂ່າວ ປະຈໍາວັນທີ 4 ຕຸລາ 2021 ວ່າ: ປັດຈຸບັນ,ສະພາບຂອງການລະບາດພະຍາດໂຄວິດ ແມ່ນພົບຢູ່່ໃນຊຸມຊົນ,ເຊິງເຮັດໃຫ້ມີຜູ້ຕິດເຊື້ອຈໍານວນຫຼາຍ ທີ່ຈະຕ້ອງໄດ້ເຂົ້າໄປນອນຮັກສາປິ່ນປົວໃນໂຮງໝໍຕ່າງໆ ໃນນະຄອນຫຼວງວຽງຈັນ ກໍຄື ຫຼາຍແຂວງ ທີ່ກໍາລັງປະເຊີນໜ້າກັບການລະບາດ.
ຕໍ່ສະພາບການດັ່ງກ່າວ,ກະຊວງສາທາລະນະສຸກ ກໍຄື ພະແນກສາທາລະນະສຸກ ໃນແຕ່ລະແຂວງ ໄດ້ຄົ້ນຄວ້າ ແລະ ຈັດສັນໂຮງໝໍ ພາກສະ ໜາມຂຶ້ນຢູ່່ຫຼາຍແຫ່ງ ແຕ່ກໍຍັງບໍ່ສາມາດຕອບສະໜອງໄດ້ຕໍ່ຄວາມຮຽກຮ້ອງຕ້ອງການຂອງສັງຄົມ ຄືການມາຮັບຄົນເຈັບໄວ,ການຈັດຫາຕຽງນອນ ໃຫ້ຄົນເຈັບໃນໄລຍະຮີບດ່ວນ.
ດັ່ງນັ້ນ.ໃນມື້ນີ້,ຈະໃຫ້ຂໍ້ມູນເບື້ອງຕົນ ກ່ຽວກັບການຈໍາກັດບໍລິເວນຢູ່່ເຮືອນ ແລະ ການປິ່ນປົວຢູ່່ກັບເຮືອນສໍາລັບຜູ້ບໍ່ມີອາການ ໃນກໍລະນີທີ່ໂຮງໝໍລົ້ນຄົນເຈັບ, ເຊິ່ງມາດຕະການດັ່ງກ່າວນີ້ ຍັງບໍ່ທັນໄດ້ຖືກຈັດຕັ້ງເທື່ອ ເນື່ອງຈາກສູນຈໍາກັດບໍລິເວນ ແລະ ສະຖານທີ່ບໍລິການປິ່ນປົວ ໃນປັດຈຸບັນ ກໍຍັງຮອງຮັບໄດ້ຢູ່່.
ການຈໍາກັດບໍລິເວນຢູ່່ເຮືອນ ແມ່ນສໍາລັບຜູ້ທີ່ເປັນຜູ້ສໍາຜັດໃກ້ຊິດກັບຜູ້ຕິດເຊື້ອ ແລະ ມີຫ້ອງສໍາລັບຈໍາກັດບໍລິເວນ ລວມທັງຫ້ອງນໍ້າທີ່ແຍກອອກເປັນຂອງຕົນເອງ ສິ່ງທີ່ທ່ານຄວນປະຕິບັດແມ່ນຢູ່່ເຮືອນ 14 ວັນ ນັບຫຼັງຈາກມື້ທີ່ເລີ່ມສໍາຜັດເຝົ້າລະວັງອາການຕົນເອງວ່າ ມີອາການໄຂ້ 37,5 ຂຶ້ນເມື່ອ, ມີອາການໄອ,ຫາຍໃຈຍາກ,ດັງບໍ່ໄດ້ກິ່ນ,ລີ້ນບໍ່ຮູ້ລົດຊາດ.
ໃຫ້ທ່ານ ຢູ່່ຫ່າງຈາກຄົນໃນຄອບຄົວທີ່ອາໃສຢູ່່ນໍາກັນ ໂດຍສະເພາະ ຜູ້ທີ່ມີປັດໃຈສ່ຽງສູງ ທີ່ຈະຕິດເຊື້ອໂຄວິດ ຫຼັງຈາກການຈໍາກັດບໍລິເວນແລ້ວ ແມ່ນໃຫ້ທ່ານເຝົ້າລະວັງອາການທ່ານ ຕື່ມອີກ 14 ວັນ.
ຖ້າທ່ານມີອາການ ໃຫ້ແຍກປ່່ຽວຕົນເອງທັນທີ່ ແລະ ຕິດຕໍ່ຫາສາຍດ່ວນ 165/166 ຫຼື ເຂົ້າໄປປືກສາແພດໝໍ ທີ່ຢູ່່ໃກ້ບ້ານທ່ານ.
ການປິ່ນປົວຕົນເອງຢູ່່ເຮືອນ ແມ່ນອະນຸຍາດສະເພາະ ຄົນເຈັບທີ່ຕິດເຊື້ອໂຄວິດບໍ່ມີອາການຫຍັງ ຫຼື ເບົາບາງ, ແຕ່ຕ້ອງມີຫ້ອງນອນ ແລະຫ້ອງ ນໍ້າໃຊ້ສະເພາະຕົນເອງ,ສິ່ງທີ່ທ່ານ ຄວນປະຕິບັດ ແມ່ນຕິດຕາມອາການຕົນເອງ,ຖ້າທ່ານມີອາການຮຸນແຮງ ເຊັນ:ຫາຍໃຈຍາກ ແມ່ນໃຫ້ໂທຫາແພດ ຫຼື ໄປໂຮງໝໍທັນທີ່ ແຍກຫ້ອງຢູ່່ຈາກສະມາຊິກພາຍໃນເຮືອນ,ໃຊ້ຫ້ອງນໍ້າແຍກກັນ,ບໍ່ໃຫ້ໃຊ້ສິ່ງຂອງຮ່ວມກັນ,ຕ້ອງໃສ່ຜ້າປິດປາກ-ດັງ.
ການອະນຸຍາດໃຫ້ຄົນເຈັບທີ່ບໍ່ມີອາການ ສາມາດປິ່ນປົວຕົນເອງໄດ້ຢູ່ເຮືອນ ກໍແມ່ນເພື່ອຫຼຸດຜ່ອນຄົນເຈັບທີ່ຕິດເຊື້ອ ແຕ່ມີອາການເບົາບາງ ແລະສຸມໃສ່ການດູແລປິ່ນປົວກໍລະນີໜັກ,ຄົນເຈັບທີ່ມີພະຍາດປະຈໍາຕົວ,ຄົນເຈັບທີ່ສູງອາຍຸ ເພື່ອຫຼຸດຜ່ອນການເສຍຊິວິດໃຫ້ໜ້ອຍທີ່ສຸດ.
Discussion about this post