ກວດຄົ້ນຕົວຜູ້ຕ້ອງສົງໄສ ພົບເຫັນຢາເສບຕິດປະເພດຢາບ້າ 19 ເມັດ

ເວລາ 01 ໂມງ 00 ນາທີ ວັນທີ 4 ກັນຍາ 2021, ເຈົ້າໜ້າທີ່ກອງພັນປ້ອງກັນເຄື່ອນທີ່ ປກສ ນວໄດ້ອອກເຄື່ອນໄຫວລາດຕະເວນມາຮອດເຂດບ້ານ ໄຊສະຫວ່າງ ເມືອງໄຊທານີ ນວ ພົບເຫັນເປົ້າໝາຍສົງໄສ ຈຶ່ງໄດ້ຂໍກວດຄົ້ນຕົວ ທ້າວ ສຸພະໄຊ ອາຍຸ 29 ປີ ພົບເຫັນຢາເສບຕິດປະເພດຢາບ້າ 19 ເມັດ, ເງິນຈຳນວນໜຶ່ງ ຈຶ່ງໄດ້ກັກຕົວແລ້ວນຳສົ່ງໃຫ້ ພະແນກ 303 ສືບຕໍ່ສືບສວນ-ສອບສວນ ຂະຫຍາຍຜົນ ຫາກຸ່ມແກ້ງພັກພວກມາດຳເນີນຄະດີຕາມກົດໝາຍ. ຢາເສບຕິດເປັນໜໍ່ແໜງທີ່ພາໃຫ້ເກີດປະກົດການຫຍໍ້ທໍ້ເຊັ່ນ: ປຸ້ນຈີ້, ຊີງຊັບ, ລັກຊັບ, ຄາດຕະກຳ ແລະ ອື່ນໆ… ກອງບັນຊາກາ ປກສ ນະຄອນຫຼວງວຽງຈັນຮຽກຮ້ອງສັງຄົມຈົ່ງປະກອບສ່ວນປະຕິບັດພັນທະຂອງຕົນ ພົບເຫັນການເຄື່ອນໄຫວທີ່ຜິດຕໍ່ກົດໝາຍແຈ້ງມາເບີ ວອດແອັບ ປສກ ນວ 020 28899774.