ຈັບເປົ້າໝາຍຢາເສບຕິດໄດ້ 3 ຄົນ ພ້ອມຂອງກາງ ຢາບ້າ ຈຳນວນ 5.233 ເມັດ

ໃນຕົ້ນເດືອນ ສິງຫາ ທີ່ຜ່ານມາ, ພະແນກຕຳຫຼວດ ປກສ ເມືອງຫຼວງນໍ້າທາ ໄດ້ລົງສົມທົບກັບ ປກສ ກຸ່ມບ້ານຫຼັກຄຳ ແລະ ກຸ່ມບ້ານທົ່ງໄຈ້ ລົງແກ້ໄຂເປົ້າໝາຍຢາເສບຕິດ ຢູ່່ສາມຈຸດ ຄື: ຢູ່່ບ້ານຫຼັກຄຳໃໝ່,ບ້ານດອນໄຊ ແລະ ບ້ານທົ່ງໄຈ້ເໜືອ ສາມາດຈັບຜູ້ຖືກຫາໄດ້ 3 ຄົນ ລວມມີຂອງກາງ ຢາບ້າ ທັງໝົດ 5.233 ເມັດ ໄປດຳເນີນຄະດີ.

ເຈົ້າໜ້າທີ່ ປກສ ເມືອງຫຼວງນໍ້າທາ ໃຫ້ຮູ້ວ່າ: ຜູ້ຖືກຫາ ທັງ3 ຄົນ ຊື່ 1. ນາງ ແມວ ອາຍຸ 22 ປີ ຢູ່່ບ້ານທົ່ງໄຈ້ເໜືອ ເມືອງ ແລະ ແຂວງຫຼວງນ້ຳທາ ຖືກຈັບໃນວັນທີ 4 ສິງຫາ 2021 ພ້ອມຢາບ້າ 71 ເມັດ; 2. ນາງ ຫຼ້າ ອາຍຸ 28 ປີ ຢູ່່ບ້ານດອນໄຊ ເມືອງຫຼວງນໍ້າທາ ແຂວງຫຼວງນໍ້າທາ ຖືກຈັບໃນວັນທີ 13 ສິງຫາ ພ້ອມຢາບ້າ 79 ເມັດ;3.ທ້າວ ເລັງຢາງ ອາຍຸ 48 ປີ ຢູ່່ບ້ານຜາປາດ ເມືອງຊຳເໜືອ ແຂວງຫົວພັນ ຖືກຈັບ ໃນວັນທີ 13 ສິງຫາ ມີຢາບ້າ 5.083 ເມັດ.

ຜ່ານການສອບສວນ ທ້າວ ເລັງຢາງ ສາລະພາບວ່າ: ຢາບ້າ ຈຳນວນ 5.083 ເມັດ ທີ່ເຈົ້າໜ້າທີ່ກວດພົບເຫັນນັ້ນ ແມ່ນໄດ້ພົວພັນ ຊື້ນຳ ທ້າວ ຕິກ ຢູ່່ເຂດຊຽງລາວ ປະເທດມຽນມາ ຈຸດປະສົງແມ່ນຊື້ມາໄວ້ເສບ ແລະ ຂາຍໃຫ້ຜູ້ເສບຢາຢູ່ພາຍໃນບ້ານ. ສ່ວນ ນາງ ຫຼ້າ ແລະ ນາງ ແມວ ສາລະພາບວ່າ: ຢາບ້າ 150 ເມັດ ແມ່ນຂອງພວກກ່ຽວແທ້, ເຊິ່ງໄດ້ພົວພັນຊື້ນຳຄົນຮູ້ຈັກກັນ ເພື່ອເອົາມາໄວ້ເສບ ແລະ ຂາຍ.

ປັດຈຸບັນ ຄະດີຢາເສບຕິດ ທັງ3 ເລື່ອງນີ້, ພວມຢູ່່ໃນຂັ້ນຕອນການສອບສວນຂະຫຍາຍຜົນ ເພື່ອຕິດຕາມຜູ້ທີ່ມີສ່ວນພົວພັນ ໃນການຊື້ຂາຍຢາເສບຕິດນຳກັນ ມາດຳເນີນຄະດີຕາມກົດໝາຍ.

ຂ່າວ-ພາບ: ເພຈຄວາມສະຫງົບ LSN