ຊົມເຊີຍ ບັນດາຫ້າງ, ຮ້ານ ແລະ ຕະຫຼາດ ທີ່ມີຄວາມຕື່ນຕົວໃນການປ້ອງກັນ ສະກັດກັ້ນ ແລະ ຕ້ານການແຜ່ລະບາດພະຍາດໂຄວິດ-19

ໃນວັນທີ 23 ກັນຍາ 2021 ເຈົ້າໜ້າທີ່ ປກສ ເມືອງສີສັດຕະນາກ ນວ ໄດ້ສົມທົບກັບພາກສ່ວນທີ່ກ່ຽວຂ້ອງ ລົງກວດກາບັນດາຫ້າງ, ຮ້ານຫົວໜ່ວຍທຸລະກິດ ແລະ ຕະຫຼາດ ທີ່ຢູ່ໃນຂອບເຂດຄວາມຮັບຜິດຊອບຂອງຕົນ ໂດຍປະຕິບັດຕາມຄໍາສັ່ງ ເລກທີ 016/ຈນວ ລົງວັນທີ 19 ກັນຍາ 2021 ໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ໃນນະຄອນຫຼວງວຽງ. ເຈົ້າໜ້າທີ່ ປກສ ເມືອງສີສັດຕະນາກ ໃຫ້ຮູ້ວ່າ: ຜ່ານການລົງກວດກາເຫັນວ່າ ບັນດາຫ້າງ, ຮ້ານຫົວຫົວໜ່ວຍທຸລະກິດ ແລະ ຕະຫຼາດ ແມ່ນມີຄວາມເປັນເຈົ້າການຕື່ນຕົວສູງ ໃນການປະຕິບັດຄໍາສັ່ງ, ແຈ້ງການຕ່າງໆ ຂອງຄະນະສະເພາະກິດໄດ້ວາງອອກ ເປັນຕົ້ນແມ່ນຕະຫຼາດໜອງຈັນ ສັງເກດໄດ້ຈາກພາບພາຍໃນຕະຫຼາດ ຊາວຄ້າຂາຍທັງຫຼາຍໄດ້ພ້ອມທັງປິດ-ອັດຮ້ານ ເພື່ອສະກັດກັ້ນການແຜ່ລະບາດພະຍາດໂຄວິດ-19 ອອກສູ່ວົງກວ້າງ. ກອງບັນຊາການ ປກສ ນວ ຂໍສະແດງຄວາມຍ້ອງຍໍຊົມເຊີຍ ມາຍັງບັນດາຫ້າງ, ຮ້ານ ຫົວໜ່ວຍທຸລະກິດ ທີ່ມີຄວາມຕື່ນຕົວເປັນເຈົ້າການ ໃນການສະກັດກັ້ນການແຜ່ລະບາດພະຍາດໂຄວິດ-19, ຂໍຮຽກຮ້ອງມາຍັງຫົວໜ່ວຍທຸລະກິດ ແລະ ຕະຫຼາດ ຈົ່ງພ້ອມກັນປະຕິບັດຄຳສັ່ງ, ແຈ້ງການຂອງຄະນະສະເພາະກິດວາງອອກ ຖ້າພົບເຫັນເຫດການໃດທີ່ບໍ່ເໝາະສົມເກີດຂຶ້ນ ໃຫ້ແຈ້ງມາທີ່ ເບີວ໋ອດແອບ 020: 28879 9774 ຫຼື ຜ່ານທາງເຟັສບຸກ ປກສ ນວ.

3833839 Comments13 SharesLikeCommentShare