ນອກຈາກການຊຸມແຊວແລ້ວ ການເດີນທາງໄປມາຫາສູ່ກັນກໍ່ເປັນຊ່ອງທາງໜຶ່ງທີ່ນຳເອົາເຊື້ອໄປແຜ່ລະບາດຫາກັນ ແລະ ໄລຍະຜ່ານມາສັງເກດເຫັນວ່າ: ກຸ່ມຄົນທີ່ມີການຕິດເຊື້ອ ໂ ຄ ວິ ດ-19 ໄລຍະຂອງການລະບາດໃນຊຸມຊົນຜ່ານມາສ່ວນໜຶ່ງແມ່ນມາຈາກການໄປຮ່ວມງານສົບ ເພາະມີຫຼາຍຄົນໄປຮ່ວມ ແລະ ຫຼາຍຄົນມາຈາກຫຼາຍບ່ອນ.
ເຊິ່ງມັນສະແດງອອກ ໃນໄລຍະຜ່ານມາຍ້ອນໄປຮ່ວມງານສົບ ຈຶ່ງເຮັດໃຫ້ມີການນຳເຊື້ອໄປແຜ່ລະບາດ ຫຼື ຕິດເຊື້ອຈາກຜູ້ໄປຮ່ວມງານສົບແລ້ວນຳເຊື້ອກັບໄປຕິດໃສ່ແຂວງທີ່ຍັງບໍ່ມີການລະບາດເຊັ່ນ: ເຫດການທີ 1 ມີຜູ້ຕິດເຊື້ອຈາກ ເມືອງຕົ້ນເຜີ້ງ ບໍ່ແກ້ວ ມາຮ່ວມງານສົບຢູ່ ເມືອງນານ ແຂວງຫຼວງພະບາງ ກໍ່ມີຄົນຕິດເຊື້ອນຳ ແລະ ຈາກນັ້ນເດີນທາງກັບໄປແວະຢາມພີ່ນ້ອງຢູ່ ຫຼວງນ້ຳທາ ກໍມີການຕິດເຊື້ອນຳອີກ ຈົນເຮັດໃຫ້ມີຜູ້ຕິດເຊື້ອຈຳນວນຫຼາຍຄົນ ຈົນເຖິງຂັ້ນສັ່ງປິດບ້ານ.
ເຫດທີ 2 ມີເຮືອນດີ ຢູ່ນະຄອນປາກເຊ ຈຳປາສັກ ມີຄົນຈາກນະຄອນຫຼວງໄປຮ່ວມງານ ແລ້ວຕິດເຊື້ອຈາກມາຮ່ວມງານຂຶ້ນມາແລ້ວບໍ່ກັບຕົວແລ້ວກໍ່ແຜ່ເຊື້ອຕໍ່ ຢູ່ນະຄອນຫຼວງ ຈົນເຮັດໃຫ້ມີການລັອກດາວໃນປະຈຸບັນ.
ເຫດການທີ 3 ມີເຮືອນດີ ຢູ່ເມືອງຜາໄຊ ແຂວງຊຽງຂວາງ ແມ່ນສອງເອື້ອຍນ້ອງໄປງານສົບດັ່ງກ່າວ ຜູ້ໜຶ່ງໄປຈາກນະຄອນຫຼວງ, ອີກຜູ້ໜຶ່ງໄປຈາກນະຄອນປາກເຊ ເຊິ່ງຕິດເຊື້ອຢູ່ແລ້ວ ໄດ້ນຳເຊື້ອໄປແຜ່ເຊື້ອຢູ່ງານເຮືອນດີ ເຮັດໃຫ້ແຂວງຊຽງຂວາງທີ່ບໍ່ມີການລະບາດໃນຊຸມຊົນມາດົນ ກັບມາມີຜູ້ຕິດເຊື້ອໃນຊຸມຊົນອີກ.
ເຫດການທີ 4 ມີເຮືອນດີ ຢູ່ເມືອງໂພນໂຮງ ແຂວງວຽງຈັນ ມີຄົນໄປຮ່ວມຈາກນະຄອນຫຼວງ ມີຄົນຕິດເຊື້ອ 44 ຄົນ ຈາກກໍລະນີເຮືອນດີຖືວ່າເປັນຈຸ້ມໃຫ່ຍ ແລະ ແຜ່ເຊື້ອໄປຫຼາຍແຂວງ.
ຢ່າງໃດກໍ່ຕາມຂໍໃຫ້ທຸກຄົນຈົ່ງຫຼີກລ່ຽງໃນການໄປຮ່ວມງານສົບໃນຊ່ວງນີ້ເດີ ເພາະຕິດມາແລ້ວມັນສົ່ງຜົນກະທົບຫຼາຍຢ່າງ ທັງເສຍເງິນ, ເສຍເວລາ ແລະ ອື່ນໆ, ງານສົບກໍ່ໃຫ້ຄົນ ແລະ ອຳນາດການປົກຄອງ ຢູ່ບ້ານດັ່ງກ່າວເຮັດໄປກ່ອນ ທັງນີ້ກໍ່ເພື່ອຄວາມປອດໄພຂອງສ່ວນລວມ.
Discussion about this post