ໄປໝົດວົງ! ໄວລຸ້ນຕັ້ງວົງຊຸມແຊວຄາຫ້ອງແຖວ

ໃນເວລາ 00: 45 ໂມງຂອງວັນທີ 11 ກັນຍາ 2021, ເຈົ້າ ໜ້າທີ່ ປກສ ກຸ່ມສີວິໄລ ເມືອງໄຊທານີ ນະຄອນຫຼວງວຽງ ຈັນ ສົມທົບກັບການຈັດຕັ້ງບ້ານ ສາຍນໍ້າເງິນ ອອກກວດກາລາດຕາເວນ ພົບເຫັນຫ້ອງແຖວແຫ່ງໜຶ່ງ ຢູ່ເຂດບ້ານດັ່ງກ່າວ ມີກຸ່ມໄວ້ລຸ້ນ 4 ຄົນ, ຍິງ 3 ຄົນ ຕັ້ງວົງຊຸມແຊວ ດື່ ມ ເ ຫຼົ້ າ – ເ ບ ຍ ທີ່ເປັນການລະເມີດຕໍ່ບັນດາຂໍ້ຫ້າມທີ່ຄະນະສະເພາະກິດຂັ້ນຕ່າງໆວາງອອກ.

ເຈົ້າໜ້າທີ່ ປກສ ກຸ່ມສີວິໄລ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ: ການອອກກວດລາດຕາເວນຕາມເສັ້ນທາງຮ່ອມ, ທາງປ່ຽວ, ທາງມືດ ແລະ ຈຸດຫຼໍ່ແຫຼມ ໄດ້ພົບເຫັນກຸ່ມໄວລຸ້ນຕັ້ງວົງຊຸມແຊວ ເ ຫຼົ້ າ -ເ ບ ຍ ຢູ່ເຂດບ້ານ ສາຍນໍ້າເງິນ 4 ຄົນ, ຍິງ 3 ຄົນ ເຈົ້າໜ້າທີ່ ຈຶ່ງໄດ້ສຶກສາອົບຮົບກ່າວເຕືອນພວກກ່ຽວໃຫ້ຮັບຮູ້ວ່າການກະທໍາທີ່ເຫັນວ່າມີຄວາມສ່ຽງ ແລະ ລະເມີດຕໍ່ບັນດາແຈ້ງການ ແລະ ຄໍາສັ່ງເລກທີ 015/ຈນວ, ລົງວັນທີ 30 ສິງຫາ 2021 ວ່າດ້ວຍການເພີ່ມທະວີການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດໂຄວິດ-19 ຢູ່ນະຄອນຫຼວງວຽງຈັນ.

ເຈົ້າໜ້າທີ່ ໃຫ້ຮູ້ອີກວ່າ: ວັນທີ 12 ກັນຍາ 2021, ເວລາ 1:30 ໂມງ ເຈົ້າໜ້າທີ່ ປກສ ກຸ່ມສີວິໄລ ໄດ້ສົມທົບກັບການຈັດຕັ້ງບ້ານອອກກວດກາລາດຕາເວນອີກໃນຂອບເຂດຄວາມຮັບຜິດຊອບຂອງກຸ່ມ ພົບເຫັນກຸ່ມໄວລຸ້ນ 10 ຄົນ, ຍິງ 5 ຄົນ ຕັ້ງວົງຊຸມແຊວດື່ມ ເ ຫຼົ້ າ – ເ ບ ຍ ຢູ່ເຂດບ້ານສີວິໄລ ເມືອງໄຊທານີ ນະຄອນຫຼວງວຽງຈັນ ທາງເຈົ້າໜ້າທີ່ ຈຶ່ງໄດ້ສຶກສາອົບຮົມພວກກ່ຽວໃຫ້ຢຸດເຊົາ ເພາະພຶດຕິກໍາດັ່ງກ່າວມີຄວາມສ່ຽງໃນການຕິດເຊື້ອໂຄວິດ-19 ແລະ ເປັນການລະເມີດຕໍ່ບັນດາຂໍ້ຫ້າມ, ຄໍາສັ່ງ- ແຈ້ງການ ທີ່ຄະນະສະເພາະກິດວາງອອກ ແລະ ມີຄວາມສ່ຽງຕໍ່ການຕິດເຊື້ອໂຄວິດ-19.

ພ້ອມນັ້ນ, ເຈົ້າໜ້າທີ່ຕຳຫຼວດ ຍັງໄດ້ຮຽກຮ້ອງໃຫ້ພໍ່-ແມ່ປະຊາຊົນທຸກຊັ້ນຄົນ ຈົ່ງປະຕິບັດຕາມຄຳສັ່ງຢ່າງເຂັ້ມງວດ. ຖ້າຫາກຍັງມີການຕັ້ງກຸ່ມຊຸມແຊວດື່ ມ ເ ຫຼົ້ າ – ເ ບ ຍ ອີກ ຈະຖືກປັບໃໝ ແລະ ປະຕິບັດຕາມຂັ້ນຕອນຂອງກົດໝາຍ.