ແຫລ່ງຂ່າວຈາກ ແຂວງສາລະວັນ ໃຫ້ຮູ້ວ່າ: ເວລາປະມານ 18:00 ແລງ ວັນທີ 11 ກັນຍາ 2021 ເກີດເຫດມີລົມພະຍຸເຂດຮ້ອນ ໂກນເຊີນ ພັດຜ່ານ ເຮັດໃຫ້ເຮືອນຂອງພໍ່ແມ່ປະຊາຊົນ ບ້ານໂພນໃຜ່ ເມືອງສາລະວັນ ໄດ້ຮັບຜົນເສຍຫາຍ ມີເຮືອນລົ້ມ, ຫລັງຄາເລີກ ຈຳນວນ 75 ຫລັງ, ໃນນັ້ນເສຍຫາຍໜັກຈໍານວນ 20 ຫລັງ, ເ ສຍຫາຍປານກາງ 45 ຫລັງ ແລະ ເສ ຍຫາຍເລັກນ້ອຍ 10 ຫລັງ, ເຮັດໃຫ້ມີ ຜູ້ ເ ສ ຍ ຊີ ວິ ດ 1 ຄົນ ເພດຍິງ ອາຍຸ 50 ກວ່າປີ, ບາດເຈັບສາຫັດ 2 ຄົນ ແລະ ບາດເລັກນ້ອຍ 6 ຄົນ, ປັດຈຸບັນ ປະຊາຊົນຈຳນວນ 139 ຄົນ ຂາດທີ່ຢູ່ອາໄສ.
![](http://kkklao.com/wp-content/uploads/2021/09/61-1.jpg)
ທ່ານ ພິດສະໄໝ ເຂັມວິໄລ ຮອງເລຂາພັກເມືອງສາລະວັນ ໄດ້ໃຫ້ສໍາພາດໃນຕອນເຊົ້າວັນ 12 ກັນຍາ 2021 ນີ້ວ່າ: ປັດຈຸບັນ ອຳນາດການປົກຄອງແຂວງ ແລະ ເມືອງ ໄດ້ມີການຄົ້ນຄ້ວາ, ແຕ່ງຕັ້ງຄະນະຮັບຜິດຊອບລົງຊ່ວຍເຫລືອພໍ່ແມ່ປະຊາຊົນ, ຈັດຫາທີ່ພັກອາໄສຊົ່ວຄາວ ແລະ ຈັດວາງກຳລັງປ້ອງກັນຊາດ-ປ້ອງກັນຄວາມສະຫງົບ ເຂົ້າຊ່ວຍເຫລືອສ້ອມແປງເຮືອນໃຫ້ພໍ່ແມ່ປະຊາຊົນຢ່າງຮີບດ່ວນ.
![](http://kkklao.com/wp-content/uploads/2021/09/62-copy.jpg)
![](http://kkklao.com/wp-content/uploads/2021/09/63-2.jpg)
ໃນໂອກາດດຽວກັນ, ຫ້ອງການສະພາປະຊາຊົນແຂວງສາລະວັນ ກໍໄດ້ນຳເອົາເຂົ້າ ສານໜຽວ ຈຳນວນ 1 ໂຕນ ມາມອບໃຫ້ອຳນາດການປົກຄອງ ບ້ານໂພນໃຜ່ ເພື່ອເປັນການບັນເທົາໃນເບື້ອງຕົ້ນ.
Discussion about this post