ແຫຼ່ງຂ່າວ Thai Enquirer ລາຍງານ: ຄ່າເງິນບາດຂອງໄທມີແນວໂນ້ມອ່ອນຄ່າລົງຕື່ມອີກ ຫຼັງຈາກແຕະຈຸດຕໍ່າສຸດນັບແຕ່ຊ່ວງທ້າຍປີ 2017 ໃນອັດຕາແລກປ່ຽນທີ່ 33 ບາດຕໍ່ໜຶ່ງໂດລາສະຫະລັດ ເຊິ່ງນັກວິເຄາະຈາກບໍລິສັດຫຼັກຊັບກຸງສີກ່າວໃນວັນທີ 4 ສິງຫາຜ່ານມາວ່າ ເງິນບາດອ່ອນຄ່າລົງຮອດ 9% ເມື່ອທຽບກັບໂດລາສະຫະລັດ ນັບແຕ່ທ້າຍປີ 2020 ເນື່ອງຈາກເສດຖະກິດກຳລັງປະສົບກັບປັນຫາຍ້ອນຜົນຂອງການແຜ່ລະບາດຂອງເຊື້ອໂຄວິດ-19 ທີ່ນັບມື້ຮຸນແຮງຂຶ້ນໃນຂະນະນີ້.
ນັກວິເຄາະຊີ້ໃຫ້ເຫັນເຖິງຄວາມແຕກຕ່າງລະຫວ່າງຊ່ວງທ້າຍໄຕມາດທຳອິດຂອງປີ ກັບຊ່ວງຕົ້ນໄຕມາດທີສອງ ເມື່ອເກີດການລະບາດໂຄວິດ-19 ຮອບສາມໃນປະເທດໄທ ເຊິ່ງຍັງເພີ່ມຄວາມຮຸນແຮງຂຶ້ນໃນແຕ່ລະວັນ. ພ້ອມກັນນັ້ນ, ຜົນຕອບແທນພັນທະບັດລັດຖະບານໄລຍະຍາວຂອງໄທ ແລະ ການເຕີບໂຕຂອງເງິນໃນວົງກວ້າງ ໄດ້ສົ່ງຜົນກະທົບຕໍ່ການເຕີບໂຕຂອງເງິນບາດ.
ເງິນບາດຂອງໄທທີ່ເຄີຍກາຍເປັນໜຶ່ງໃນສະກຸນເງິນທີ່ແຂງແກ່ນທີ່ສຸດໃນອາຊີກ່ອນເກີດການລະບາດຄັ້ງໃຫຍ່ໄດ້ດິ່ງຕໍ່າລົງໃນປີນີ້. ຂະນະທີ່ການລະບາດໃຫຍ່ໄດ້ສ້າງຄວາມເສຍຫາຍຕໍ່ອຸດສາຫະກຳການທ່ອງທ່ຽວທີ່ສຳຄັນຂອງປະເທດໄທ ແລະຍັງໄດ້ທຳລາຍແນວໂນ້ມການຟື້ນຕົວທາງເສດຖະກິດ ເຮັດໃຫ້ຜູ້ຊື້ສິນຊັບທີ່ກັກຕຸນໄວ້ໃນອະດີດກາຍເປັນຕະຫຼາດໝີ.
Discussion about this post