ແຊບອກຕໍ່ ນະຄອນຫຼວງ ລັອກດາວ ຕໍ່ 5-19 ມິຖຸນາ 2021

ຫ້ອງວ່າການສຳນັກງານນາຍົກລັດຖະມົນຕີ ອອກແຈ້ງການເລກທີ 595/ຫສນຍ

ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງມາຍັງທ່ານ ຊາບວ່າ: ຜ່ານການຈັດຕັ້ງ ປະຕິບັດ ມາດຕະການຕ່າງໆໃນຄໍາສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021 ເເລະ ມາດຕະການຕ່າງໆ ທີ່ບັນດາຂະເເຫນງການ ທັງສູນກາງ ແລະ ທ້ອງຖິ່ນ ໄດ້ວາງ ອອກ ເຫັນວ່າ ການຈັດຕັ້ງທຸກຂັ້ນ, ທຸກພາກສ່ວນ ລວມທັງພາກລັດ, ພາກທຸລະກິດ ແລະ ສັງຄົມ ລ້ວນແຕ່ໄດ້ປະຕິບັດຕາມຫນ້າທີ່ ເເລະ ພັນທະຂອງຕົນ ດ້ວຍຄວາມຮັບຜິດຊອບສູງ ເຮັດໃຫ້ການ ລະບາດມີທ່າອ່ຽງຫຼຸດລົງ ຢູ່ຫຼາຍແຂວງ, ເເຕ່ເຖິງຢ່າງໃດກໍ່ຕາມ ການລະບາດໃນຊຸມຊົນ ກໍ່ຍັງມີຢູ່ ບາງເເຂວງ ໂດຍສະເພາະ ຢູ່ນະຄອນຫຼວງວຽງຈັນ.

ຍ້ອນເເນວນັ້ນ ການທີ່ຈະຄວບຄຸມ ເເລະ ເເກ້ ໄຂການລະບາດໃຫ້ໄດ້ນັ້ນ ຍັງຕ້ອງໃຊ້ເວລາຕື່ມອີກພໍສົມຄວນ ເພາະເຊື້ອພະຍາດ COVID-19 ທີ່ກໍາລັງເເຜ່ລະບາດໃນປັດຈຸບັນ ເເມ່ນມີສາຍພັນທີ່ສາມາດແຜ່ເຊື້ອໄວ. ສະນັ້ນ, ເພື່ອໃຫ້ບັນລຸຄາດຫມ າຍລວມ ໃນການຄວບຄຸມ ເເລະ ເເກ້ໄຂການລະບາດຂອງພະຍາດ COVID-19 ໃນຊຸມຊົນ ໃຫ້ມີຜູ້ ຕິດເຊື້ອຫນ້ອຍທີ່ສຸດ, ມີຜູ້ເສຍຊີວິດຫນ້ອຍທີ່ສຸດ ເເລະ ໃຫ້ທຸກຄົນໃນສັງຄົມໄດ້ໃຊ້ຊິວິດປົກກະຕິ ພາຍໃຕ້ເງື່ອນໄຂວິຖີຊີວິດປົກກະຕິໃຫມ່ (New Normal) ໄດ້ໄວ, ລັດຖະບານ ຈໍາເປັນຕ້ອງໄດ້ສືບຕໍ່ ປະຕິບັດບັນດາມາດຕະການທີ່ໄດ້ລະບຸໃນຄໍາສັ່ງ ສະບັບເລກທີ 15/ນຍ, ລົງວັນທີ 21 ເມສາ 2021;

ເເຈ້ງການ ສະບັບເລກທີ 406/ຫສນຍ, ລົງວັນທີ 26 ເມສາ 2021, ເລກທີ 462/ຫສນຍ,ລົງວັນທີ 05ພຶດສະພາ 2021, ເລກທີ 528/ຫສນຍ, ລົງວັນທີ 20 ພຶດສະພາ 2021 ເເລະ ຄໍາເເນະນໍາຂອງ ຄະນະສະເພາະກິດຂັ້ນສູນກາງ ອອກໄປຕື່ມອີກ 15 ວັນ ໂດຍເລີ່ມແຕ່ເວລາ 00:00 ໂມງ ຂອງວັນທີ 05 ມິຖຸນາ ຫາ ເວລາ 24:00 ໂມງ ຂອງວັນທີ 19 ມິຖຸນາ 2021, ພ້ອມທັງ ສືບຕໍ່ປະຕິບັດມາດ ຕະການວາງອອກ ເເລະ ຜ່ອນຜັນບາງມາດຕະການ ຢູ່ນະຄອນຫຼວງວຽງຈັນ ເເລະ ເເຂວງທີ່ຍັງມີ ການລະບາດ ດັ່ງນີ້:

ເລື່ອງສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາໂຄວິດ-19