ບໍລິສັດ ໂຕໂຢຕ້າ ລາວ ຈໍາກັດ ໄດ້ມອບເງິນອຸປະຖຳໃຫ້ແກ່ມູນນີທີຊ່ວຍເຫຼືອ ຄົນທຸກຍາກ ແຫ່ງ ສປປລາວ

👏 ໃນວັນທີ 24 ມີນາ 2021, ບໍລິສັດ ໂຕໂຢຕ້າ ລາວ ຈໍາກັດ ໄດ້ມອບເງິນອຸປະຖຳໃຫ້ແກ່ມູນນີທີຊ່ວຍເຫຼືອ ຄົນທຸກຍາກ ແຫ່ງ ສປປລາວ 1623 ເປັນຈໍານວນເງິນມູນຄ່າ 100,000,000 ກີບ (ໜຶ່ງຮ້ອຍລ້ານກີບ) ເພື່ອສະຫນັບສະຫນູນແລະສົ່ງເສີມ ກິດຈະກໍາຂອງ ມູນນິທິ.

ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623 ແມ່ນເປັນອົງກອນຊ່ວຍເຫຼືອທຳອິດ ທີ່ສ້າງຕັ້ງຂຶ້ນ ຕັ້ງແຕ່ປີ 2010 ເປັນຕົ້ນມາ, ໂດຍປະກອບມີອາສາສະຫມັກພຽງ 07 ທ່ານເທົ່ານັ້ນ ເຊິ່ງສ່ວນໃຫຍ່ແມ່ນ ເປັນພຽງກຸ່ມຄົນທີ່ມີຈິດໃຈບໍລິສຸດທີ່ເຕັມໄປດ້ວຍຄວາມມຸ້ງຫວັງຢາກຊ່ວຍເຫລືອ ໂດຍບໍ່ຫວັງຜົນຕອບແທນໃດໆ.

ມື້ນີ້, ມູນນິທິ ໄດ້ກາຍເປັນອົງກອນທີ່ໃຫຍ່ທີ່ສຸດໃນ ສປປ ລາວ, ທີ່ມີນັກວິຊາການ ຊ່ຽວຊານການແພດ 15 ທ່ານ, ມີຜູ້ຊ່ວຍເຫດສຸກເສີນຂັ້ນທຳອິດ 350 ທ່ານ, ມີທີມກູ້ໄພ ໄຮໂດຣລິກ ແຫ່ງທຳອິດຂອງປະເທດ ແລະ ມີທີມກູ້ໄພດຳນໍ້າ ຕື່ມນໍາອີກ. ນອກນັ້ນ ຍັງມີທີມກູ້ໄພ ໃນການຄົ້ນຫາ ແລະ ທີມນັກພະຈົນເພີງ, ທັງຫມົດແມ່ນສາມາດຮັກສາຊີວິດໄດ້ເຖິງ 10,000 ຊີວິດ ຕໍ່ປີ.

ດັ່ງນັ້ນ ບໍລິສັດ ໂຕໂຢຕ້າລາວ ຂໍເປັນສ່ວນຫນຶ່ງ ໃນການສ້າງຄວາມປອດໄພ ໃຫ້ກັບ ປະຊາຊົນລາວ ແລະ ມຸ່ງຫມັ້ນທີ່ຈະເປັນຜູ້ນຳວິໄສທັດໃນ ສປປລາວ.

• ຊື່ບໍລິສັດ: ບໍລິສັດ ໂຕໂຢຕ້າລາວ ຈໍາກັດ (TLAO)

• ທີ່ຕັ້ງ: ຕຶກ ໂຣໂຢລສະແຄວ໌ ຊັ້ນ9, ເລກທີ 20 ຖະຫນົນສາມແສນໄທ, ບ້ານ ຫນອງດ້ວງເຫນືອ, ເມືອງສີໂຄດຕະບອງ, ນະຄອນຫຼວງວຽງຈັນ, ສປປ ລາວ.

• ຊື່ມູນນີທິ: ມູນນິທິ ຊ່ວຍເຫຼືອ ຄົນທຸກຍາກແຫ່ງ ສປປ ລາວ 1623