ປະເທດຫວຽດນາມຜະລິດວັັກຊີນ ໂຄວິ ດ ເອງ ຄາດຈະພ້ອມໃຊ້ໃນທ້າຍປີນີ້

ກະຊວງ​ສາທາລະນະ​ສຸກ​ຫວຽດນາມ​ເປີດ​ເຜີຍ​ວ່າ: ນາ​ໂນ​ໂຄ​ແວັກ (Nanocovax) ວັກ​ຊີ​ນຕ້ານ​ໂຄ​ວິດ-19 ຊະນິດ​ທຳ​ອິດ​ທີ່​ພັດທະນາ​ໃນ​ປະ​ເທດ ຄາດ​ວ່າ​ຈະ​ພ້ອມ​ນຳ​ໃຊ້​ໃນ​ໄຕ​ມາດ​ທີ 4 ຂອງ​ປີ​ນີ້ ​ແລະ ຈະ​ເລີ່​ມ​ໃຊ້​ຢ່າງ​ເປັນ​ທາງ​ການ​ໃນ​ປີ 2022.ວັກ​ຊີ​ນນາ​ໂນ​ໂຄ​ແວັກ​ພັດທະນາ​ໂດຍ​ບໍລິສັດ​ນາ​ໂນ​ເຈນ ຟາ​ມາ​ຊູ​ຕິ​ຄໍ ​ໄບ​ໂອ​ເທັກ​ໂນ​​ໂລ​ຊີ ​ເຈ​ເອັສຊີ

(Nanogen Pharmaceutical Biotechnology JSC) ​ແລະ ​ເປັນ​ວັກ​ຊີ​ນຕ້ານ​ໂຄ​ວິດ-19 ຊະນິດ​ທຳ​ອິດ​ທີ່​ເຂົ້າສູ່​ຂະ​ບວນການ​ທົດ​ລອງ​ໃນ​ມະນຸດ​ເມື່ອ​ເດືອນ​ທັນວາ​ປີຜ່ານມາ.​ເຊິ່ງຕອນ​ນີ້​ການ​ທົດ​ລອງ​ວັກ​ຊີ​ນ​ໃນ​ໄລຍະ​ທຳ​ອິດ​ສຳ​ເລັດ​ຮຽບ​ຮ້ອຍ​ແລ້ວ ​ແລະ ​ໃນ​ເດືອນ​ກຸມພາ​ຜ່ານ​ມາ, ກະຊວງ​ສາທາລະນະ​ສຸກ​ເປີດ​ເຜີຍ​ວ່າ: ອາດ​ຫລຸດ​ເວລາ​ໃນ​

ການ​ທົດ​ລອງ​ວັກ​ຊີ​ນ​ໄລຍະ​ທີ 2 ຈາກ 6 ​ເດືອນ​ເປັນ 3 ​ເດືອນ ​ເຊິ່ງຄາດ​ວ່າ​ຈະ​ສຳ​ເລັດ​ພາຍ​ໃນ​ເດືອນ​ພຶດສະພາ.ທັງ​ນີ້, ຫວຽດນາມ​ໄດ້​ພັດທະນາ​ວັກ​ຊີ​ນຕ້ານ​ໂຄ​ວິດ-19 ​ໃນ​ປະ​ເທດ​ທັງ​ໝົດ 4 ຊະນິດ, ໜຶ່ງ​ໃນ​ນັ້ນຄື​ວັກ​ຊີ​ນ​ໂຄ​ວີ​ແວັກ (Covivac) ​ເຊິ່ງ​ເປັນ​ວັກ​ຊີ​ນຊະນິດ​ທີ​ສອງ​ທີ່​ຫວຽດນາມ​ຜະລິດ​ເອງ​ໃນ​ປະ​ເທດ.​ໂດຍ​ສະ​ຖາ​ບັນ​ວັກ​ຊີ​ນ ​ແລະ ຊີວະ​

ວິທະຍາ​ທາງ​ການ​ແພດ​ຫວຽດນາມ (IVAC) ​ໄດ້​ທົດ​ລອງ​ໃນ​ມະນຸດ​ເປັນຄັ້ງທຳ​ອິດ​ເມື່ອ​ວັນ​ທີ 15 ມີນາ​ຜ່ານ​ມາ ກັບ​ອາສາ​ສະໝັກ 6 ຄົນ ອາຍຸ​ລະຫວ່າງ 18-59 ປີ ​ໂດຍ​ຕັ້ງ​ເປົ້າທົດ​ລອງ​ກັບ​ອາສາ​ສະໝັກ​ທັງ​ໝົດ 120 ຄົນ​ໃນ​ໄລຍະ​ທຳ​ອິດ ​ແລະ ຄາດ​ວ່າ​ຈະ​ມີ​ການ​ຜະລິດ​ວັກ​ຊີ​ນ​ໄດ້​ພາຍ​ໃນ​ປີ​ນີ້.

ນອກຈາ​ກນີ້ ຍັງ​ມີ​ວັກ​ຊີ​ນທີ່​ຜະລິດ​ໂດຍ​ບໍລິສັດ​ວັກ​ຊີ​ນ ​ແລະ ຢາ​ຊີວະ​ວັດຖຸ​ໝາຍ​ເລກ 1 (Vabiotech) ​ແລະ ບໍລິສັດ​ວັກ​ຊີ​ນ ​ແລະ ຢາ​ຊີວະ​ວັດຖຸ (Polyvac) ​ເຊິ່ງຍັງ​ບໍ່​ເຂົ້າສູ່​ຂະ​ບວນການ​ທົດ​ລອງ​ໃນ​ມະນຸດ.