ອ້າງຕາມແຫລ່ງຂ່າວ ເຊອຸນ ຂອງ ສ.ເກົາຫລີ, ວັນທີ 15 ເດືອນມິນາ, ສ.ເກົາຫລີ ໄດ້ເປີດເຜີຍແຜນຂະຫຍາຍ ການສັກ ວັກຊິນ ປ້ອງກັນ ພະຍາດ ໂຄວິດ-19 ໃນໄຕມາດ 2 ເພື່ອຈະຄວບຄຸມ ການສັກວັກຊິນ ໃນກຸ່ມ ຜູ້ສູງອາຍຸ ໃຫ້ໄດ້ ຫລາຍຂື້ນ. ເຈົ້າໜ້າທ່ີສາທາລະນະສຸກ ແລະ ຜູ້ຊຽວຊານ ທີ່ປະຕິບັດງານ ໃນພື້ນທີ່ສ່ຽງ ໃຫ້ໄດ້ຫລາຍ
ຂື້ນ ໂດຍຕັ້ງເປົ້າ ສັກວັກຊິນ ໃຫ້ໄດ້ປະມານ 1 ໃນ 4 ຫລື ເກືອບ 12 ລ້ານຄົນ ຈາກປະຊາກອນ 52 ລ້ານຄົນ ພາຍໃນເດືອນ ມິຖຸນານີ້. ຜູ້ອຳນວຍການ ສຳນັກງານ ຄວບຄຸມ ແລະ ປ້ອງກັນ ພະຍາດ ສ.ເກົາຫລີ ລະບຸວ່າ: ຕັ້ງແຕ່ເດືອນໜ້າ ເປັນຕົ້ນໄຟ ປະຊາຊົນ ສ.ເກົາຫລີ ທີ່ຢູ່ໃນ ກຸ່ມສ່ຽງ ຈະໄດ້ຮັບການ ສັກວັກຊິນ ປ້ອງກັນ
ພະຍາດ ໂຄວິດ-19 ຫລາຍຂື້ນ, ໃນນັ້ນ ລວມເຖິງ ກຸ່ມຜູ້ສູງອາຍຸ 65 ປີ ຂື້ນໄປ, ເຈົ້າໜ້າທີ່ ສາທາລະນະສຸກ, ຕຳຫລວດ, ເຈົ້າໜ້າທີ່ດັບເພີງ, ທະຫານ ແລະ ພະນັກງານ ຕ້ອນຮັບ ໃນເຮືອບິນ. ນອກຈາກນັ້ນ, ສ.ເກົາຫລີ ຍັງຕັ້ງເປົ້າໝາຍ ໃນເບື້ອງຕົ້ນ ຈະສັກໃຫ້ປະຊາຊົນ ປະມານ 12 ລ້ານຄົນ ພາຍໃນ 6 ເດືອນຕົ້ນປີນີ້
Discussion about this post