ອີງຕາມການກວດກາລົງເອົາຂໍ້ມູນຕົວຈິງຂອງກໍາລັງປະຈໍາການກອງຮ້ອຍປ້ອງກັນທີ່ຕັ້ງໄດ້ໃຫ້ຮູ້ວ່າ: ໃນເວລາ 10:25 ນາທີ ຂອງວັນທີ 19/09/2022 ຢູ່ຈຸດຂົວຂ້າມນໍ້າຂອງ ລາວ-ຍີ່ປຸ່ນ ໄດ້ມີຄົນມາ ໂດດຂົວ ເບື້ອງຕົ້ນເຈົ້າຫນ້າທີ່ເຮົາໄດ້ຮັບແຈ້ງຈາກພົນລະເມືອງດີ ວ່າມີຄົນໂດດຂົວເປັນເພດຍິງ ຫຼັງຈາກນັ້ນ
ເຈົ້າຫນ້າທີ່ຈິ່ງຮີບຮ້ອນລົງໄປກວດກາສະຖານທີ່ເກີດເຫດເມື່ອໄປຮອດຈຸດເກີດເຫດຈິ່ງໄດ້ພົບເຫັນລົດເກັງ ຢີຫໍ້ ເສບໂດເຫຼັກ ສີດໍາ ຫມາຍເລກທະບຽນ ຈໍາປາສັກ ກຂ 1125 ປ້າຍເຫຼືອງ 01 ຄັນ ຈອດຢູ່ກາງຂົວ
ສ່ວນຜູ້ຂັບມາແມ່ນໄດ້ໂດດລົງນ້ໍາເພື່ອຫວັງຂ້າໂຕຕາຍ ເຈົ້າຫນ້າທີ່ເຮົາຈິ່ງໄດ້ໄປຮ້ອງຂໍຄວາມຊ່ວຍເຫຼືອຈາກ ປະຊາຊົນທີ່ກໍາລັງຫາປາຢູ່ຜົ້ງປາກເຊ ຈິງໄດ້ອອກໄປຄົ້ນຫາແຕ່ບໍ່ເຫັນ ເຈົ້າຫນ້າທີ່ເຮົາຈິງໄດ້ປະສານຫາກູ້ໄພ ເພື່ອມາສືບຕໍ່ຊອກຫາ ສ່ວນພາຫະນະ ແມ່ນຮັກສາໄວ້ຢູ່ຫ້ອງການກອງຮ້ອຍປ້ອງກັນທີ່ຕັ້ງ.
ຜ່ານການສອບຖາມນໍາຄອບຄົວຜູ້ກ່ຽວຈີ່ງຮູ້ວ່າຜູ້ທີ່ມາໂດດຂົວຊື່ ນາງ ອິນແຕ່ງ ແກ້ວບົວລາ ອາຍຸ 30 ປີ ອາຊີບ ຊາວນາ ປະຈຸບັນຢູ່ ບ້ານ ຄັນແຍງ ເມືອງ ໂພນທອງ ແຂວງ ຈໍາປາສັກ ແຮງຈູງໃຈແມ່ນບໍ່ ສາມາດຮູ້ຂໍ້ມູນ
ຊື່ ພໍ່ ທ້າວ ບຸນທອງ ແກ້ວບົວລາ 61 ປີ ບ້ານ ຄັນແຍງ ເມືອງ ໂພນທອງ ແຂວງ ຈໍາປາສັກ, ຊື່ ແມ່ ນາງ ເພັງ ແກ້ວບົວລາ 63 ປີ ບ້ານ ຄັນແຍງ ເມືອງ ໂພນທອງ ແຂວງ ຈໍາປາສັກ, ສ່ວນກໍາລັງເຈົ້າຫນ້າທີ່ເຮົາແມ່ນໄດ້ສົມທົບກັບປະຊາຊົນ ເພື່ອສືບຕໍ່ຊອກຫາແຕ່ຍັງບໍ່ທັນເຫັນເທື່ອ