ອັດຕາທຳລາຍປ່າອາເມຊອນ ເພີ່ມຂຶ້ນ22%ສູງ ທີ່ສຸດໃນຮອບ 15 ປີ

ວັນ​ທີ19​ພະຈິກ2021,ສູນ​ຄົ້ນຄວ້າ​ ອາ​ວະ​ກາດ ​ແຫ່ງ​ຊາດ​ ບຣາຊິນ(Brazil) ຫລື INPE ລະບຸ​ວ່າ:ລະຫວ່າງ ​ເດືອນ​ສິງຫາ ​ປີ​ກາຍ​ ຈົນ​ຮອດ​ເດືອນ ​ກໍລະກົດ​ປີ​ນີ້ ປ່າ​ອາ​ເມ​ຊອນ (Amazon)ທີ່​ມີ​ອານາ​ເຂດ ກວມ​ເອົາ ​ສ່ວນ​ໃຫຍ່​ ຂອງ​ບຣາຊິນ ສູນ​ເສຍ​ ພື້ນ​ທີ່​ປ່າ​ໄມ້13.235 ກິ​ໂລ​ຕາ​ແມັດ ​ເພີ່ມ​ຂຶ້ນ22% ຈາກ​ສະ​ຖິຕິ​ໃນ​ຮອບ1ປີ​ກ່ອນ​ໜ້າ​ນີ້ ​ແລະ ​ເປັນ​ສະຖິຕິ​ ສູງ​ທີ່​ສຸດ ​ໃນ​ຮອບ 15ປີ ຜ່ານມາ

ນັບ​ຕັ້ງ​ແຕ່INPE ບັນທຶກ​ ສະຖິຕິ​ ການ​ຕັດ​ໄມ້ ​ທຳລາຍ​ປ່າ ທີ່​ເກີດ​ຂຶ້ນ​ກັບ​ ປ່າ​ອາ​ເມ​ຊອນ 14.286 ກິ​ໂລ​ຕາ​ແມັດ ​ໃນ​ໄລຍະ​ເວລາ ​ດຽວ​ກັນ ລະຫວ່າງ​ ປີ2005-2006.ປ່າ​ອາ​ເມ​ຊອນ ​ເປັນ​ລະບົບ​ ນິ​ເວນ​ ປ່າ​ດົງດິບ ຂະໜາດ​​ໃຫຍ່​ ທີ່​ສຸດ​ໃນ​ໂລກ ມີ​ອານາ​ເຂດ​ ຫລາຍ​ກວ່າ5,5 ລ້ານ​ກິ​ໂລ​ ຕາ​ແມັດ ກວມ​ເອົາ 9ປະ​ເທດ ​ໄດ້​ແກ່ Brazil, Peru, Colombia, Venezuela, Ecuador, Bolivia, Guyana, French Guiana ​ແລະ Suriname ​ໂດຍ60%ຂອງ​ພື້ນ​ທີ່​ປ່າ​ ຢູ່ໃນ​Brazil