ໃນຕອນເຊົ້າຂອງວັນທີ 6 ພະຈິກ ຜ່ານມາ,ເຈົ້າໜ້າທີ່ ປກສ ກຸ່ມສວນມອນ ສົມທົບກັບການຈັດຕັ້ງບ້ານສວນມອນ ເມືອງສີສັດຕະນາກ ນະຄອນຫຼວງວຽງຈັນ ລົງຈັດສັນຄວາມເປັນລະບຽບຮຽບຮ້ອຍ,ພ້ອມສຶກສາອົບຮົມຊາວຄ້າຂາຍ ທີ່ນຳເອົາເຄື່ອງມາວາງຂາຍຢູ່່ຕາມທາງ ຍ່າງ ເຂດບ້ານສວນມອນ 18 ຮ້ານ ທີ່ໄດ້ຮັບຜົນກະທົບຈາກການປິດຕະຫຼາດ ເນື່ອງຈາກສະພາບການແຜ່ລະບາດຂອງເຊື້ອໂຄວິດ.
ພັທ ວຽງຄອນ ແສງພະຈັນ ຮອງຫົວໜ້າ ປກສ ກຸ່ມສວນມອນ ໃຫ້ຮູ້ວ່າ ກຸ່ມຄົນທີ່ນຳເອົາເຄື່ອງມາຂາຍຕາມທາງຍ່າງດັ່ງກ່າວ ແມ່ນໄດ້ສຶກ ສາອົບຮົມກ່າວເຕືອນ ແລະ ບັນທຶກປະຫວັດການເຄື່ອນໄຫວໃຫ້ຢຸດເຊົາການມາຂາຍເຄື່ອງຕາມທາງຍ່າງ ເນື່ອງຈາກເຮັດໃຫ້ບໍ່ມີຄວາມເປັນລະບຽບຮຽບຮ້ອຍ ແລະ ເຮັດໃຫ້ການໄປ-ມາຂອງຜູ້ທີ່ໃຊ້ຖະໜົນ ບໍ່ໄດ້ຮັບຄວາມສະດວກ.
ຂ່າວ-ພາບ: ປກສ ນະຄອນຫຼວງວຽງຈັນ
Discussion about this post