ເຈົ້າໜ້າທີ່!..ກັກຕົວ ຊາຍ ອາຍຸ 44 ປີ ພ້ອມຂອງກາງຢາບ້າ 238 ເມັດ

ເຈົ້າໜ້າທີ່ວິຊາສະເພາະ ກອງບັນຊາການ ປກສ ເມືອງປາກງື່ມ ນະຄອນຫຼວງວຽງຈັນ ໄດ້ເຂົ້າແກ້ໄຂເປົ້າໝາຍຄ້າຂາຍຢາເສບຕິດ (ຢາບ້າ) ສາມາດກັກຕົວເປົ້າໝາຍໄດ້ 1 ຄົນຊື່: ທ້າວ ຂັນຕີ ຫຼື ໄກ່ ອາຍຸ 44 ປີ ຫວ່າງງານ ຢູ່ບ້ານ ໜອງພູວຽງ ເມືອງປາກງື່ມ ໃນວັນທີ 26 ຕຸລາ 2021 ພ້ອມຂອງກາງຢາບ້າ 238 ເມັດ ມາດໍາເນີນຄະດີ.

ຜ່ານການສອບສວນເບື້ອງຕົ້ນ ຜູ້ກ່ຽວໃຫ້ການຮັບສາລະພາບວ່າ: ໃນວັນທີ 26 ຕຸລາ 2021, ຕົນເອງ ໄດ້ຊື້ຢາບ້ານໍາຊາຍຄົນໜຶ່ງ ຢູ່ບ້ານເວີນແຄນ ເມືອງປາກງື່ມ ຈໍານວນ 238 ເມັດ ເພື່ອເອົາມາເສບ ແລະ ແບ່ງຂາຍ. ພາຍຫຼັງໄດ້ຢາບ້າມາແລ້ວ ກໍກັບເມືອເຮືອນ ຮອດເວລາປະມານ 17:00 ໂມງ ຂອງວັນດຽວກັນ ກໍຖືກເຈົ້າໜ້າທີ່ເຂົ້າກັກຕົວ ຢູ່ເຮືອນຂອງຕົນ ພ້ອມຂອງກາງຢາບ້າ ຈໍານວນ ດັ່ງກ່າວ ນອກຈາກນີ້ ຜູ້ກ່ຽວຍັງຮັບສາລະພາບອີກວ່າ ຜ່ານມາໄດ້ພົວພັນກັບຢາເສບຕິດແຕ່ 2019 ດ້ວຍການເສບ.ປັດຈຸບັນ ກອງບັນຊາການ ປກສ ເມືອງປາກງື່ມ ໄດ້ກັກກັນ ຜູ້ກ່ຽວຕາມມາດຕະການປ້ອງກັນ, ຄວບຄຸມ ການແຜ່ລະບາດຂອງພະຍາດໂຄວິດ -19 ພາຍຫຼັງ ຄົບຕາມກໍານົດເວລາ ແລະ ກວດບໍ່ພົບເຊື້ອແລ້ວ ຈິ່ງຈະໄດ້ນໍາຕົວຜູ້ກ່ຽວມາດໍາເນີນການສຶບສວນ-ສອບສວນ ອີກເທື່ອໜຶ່ງ ເພື່ອຊອກຫາກຸ່ມແກ້ງທີ່ຮ່ວມຂະບວນການ ມາດໍາເນີນຄະດີ ຕາມລະບຽບກົດໝາຍ.

ທີ່ມາ: ປ້ອງກັນຄວາມສະຫງົບນະຄອນຫຼວງວຽງຈັນ