ອັບແດດ! ຂ່າວເຫດເຮືອຫຼົ້ມທີ່ອ່າງນ້ຳໄຜ່ ຍັງບໍ່ທັນພົບຜູ້ທີ່ສູນຫາຍຈັກຄົນເທື່ອ

ລາຍງານລ່າສຸດເຫດເຮືອຫຼົ້ມອ່າງນ້ຳໄຜ່ ປັດຈຸບັນຍັງບໍ່ທັນພົບຜູ້ທີ່ສູນຫາຍຈັກຄົນເທື່ອ

ຕອນນີ້ລໍຖ້າໜ່ວຍກູໄພມາດຳນ້ຳຊອກຫາຜູ້ທີ່ສູນຫາຍຕອນນີ້ພໍ່ແມ່ປະຊາຊົນ ທະຫານ ຕຳຫຼວດທຸກພາກສ່ວນໄດ້ຊ່ວຍກັນອະນາໄມສະຖານທີ່,ແລະ ກໍ່ເຮັດໂລງສົບລໍຖ້າ

ລາຍລະອຽດຂອງການເກີດເຫດ ກ່ອນຫນ້ານີ້:

ເກີດເຫດເຮືອຫຼົ້ມທີ່ອ່າງນ້ຳໄຜ່ຄົນຈົມນ້ຳ ສູນຫາຍ 5 ຄົນ

ຜູ້ໃຊ້ເຟສບຸກທ່ານຫນື່ງຊື່ເຟສ ສ’ ສົມຈິງ ໄຊອຸດົມ ໄດ້ຟພສວ່າ : ກີດເຫດເຮືອຫຼົ້ມທີ່ອ່າງນ້ຳໄຜ່ຄົນຈົມນ້ຳໃນຕອນແລງວັນທີ13/10/2021ເວລາປະມານ1 7ໂມງ ຮອດຕອນນີ້ຍັງບໍ່ເຫັນເທື່ອມີຜູ້ສູນຫາຍຈຳນວນ5ຄົນ ເມືອງລ່ອງແຈ້ງ ແຂວງໄຊສົມບູນ

ໃນຕອນແລງຂອງວັນທີ 13 ຕຸລາ 2021 ຜ່ານມານີ້, ເວລາປະມານ 17:00 ໂມງ ໄດ້ເກີດອຸບັດຕິເຫດເຮືອຫລົ້ມ ຢູ່ທີ່ອ່າງນໍ້າໄຜ່ ບ້ານໜອງພູນໄຊ ເມືອງລ້ອງແຈ້ງ ແຂວງໄຊສົມບູນ ຈຳນວນ 2 ລຳ ຢູ່ໃນເຮືອທັງສອງລໍາດັ່ງກ່າວນີ້ ມີຄົນທັງໝົດ 19 ຄົນ

ທີ່ກັບມາຈາກການກ່ຽວເຂົ້າໄຮ່ ຊຶ່ງເຮືອທັງສອງລໍາ ໄດ້ຂັບໄລ່ກົ້ນກັນມາ ແລ້ວເກີດອຸປະຕິເຫດເຮືອຕຳກັນຢູ່ກາງແມ່ນໍ້າ ສາເຫດຍ້ອນຈັກເຮືອຂັດຂ້ອງ ເຮັດໃຫ້ເຮືອຫລົ້ມທັງ 2 ລຳ.

ໃນນັ້ນມີຜູ້ສູນຫາຍຈຳນວນ 5 ຄົນ, ຍິງ 3 ຄົນ ເຊິ່ງມີລາຍຊື່ດັ່ງນີ້: ທ. ທອງພັນ ອາຍຸ 63 ປີ, ນ. ວຽງ ອາຍຸ 55 ປີ, ນ. ສອນ ອາຍຸ 21 ປີ, ທ. ດວງ ອາຍຸ 22 ປີ, ນ. ເດັກ ອາຍຸ 28 ປີ. ສວ່ນອີກ 14 ຄົນແມ່ນສາມາດລອຍນໍ້າເຂົ້າຝັ່ງໄດ້.

ຈຸດເກີດເຫດແມ່ນຫ່າງຈາກຝັ່ງປະມານ 100 ກວ່າແມັດ, ເລິກ 25 ແມັດ, ແລະໃນເວລານີ້ ຍັງບໍ່ທັນພົບຜູ້ສູນຫາຍທັງ 5 ຄົນເທື່ອ.