ກວດກາພົບເຫັນຂອງກາງຢາເສບຕິດປະເພດ ຢາບ້າ 56 ເມັດ

ເວລາ 11 ໂມງ 10 ນາທີ ວັນທີ 26 ກັນຍາ 2021 ໃນຂະນະທີ່ ປກສ ກຸ່ມ 5 ວັງຊາຍ ພ້ອມດ້ວຍອຳນາດການປົກຄອງບ້ານໜອງໜ່ຽງ ກຳລັງປະຕິບັດໜ້າທີ່ກວດກາປ້ອງກັນການແຜ່ລະບາດພະຍາດໂຄວິ-19 ໃນນັ້້ນກວດພົບຜູ້ຂັບຂີ່ລົດຈັກຍີ່ຫໍ້ ຮອນດ້າເວບ100 ສີຟ້າດຳ ໝາຍເລກທະບຽນ ຕສ 1096 ກຳແພງນະຄອນ ຈຶ່ງສັ່ງໃຫ້ຢຸດກວດ ແຕ່ພວກກ່ຽວມີພຶດຕິກຳສົງໃສຈຶ່ງຂໍຄົ້ນຕົວ ພົບເຫັນຂອງກາງຢາເສບຕິດປະເພດຢາບ້າ 56 ເມັດ, ຈຶ່ງໄດ້ຄຸມຕົວຄື: ທ້າວ ທິດທິສຸກ ກຳມະກອນ ບ້ານໂພນຕ້ອງ ເມືອງຈັນທະບູລີ ນວ ແລະ ທ້າວ ປຸ້ຍ ບ້ານໜອງບຶກ ເມືອງສີໂຄດ ນວ, ແລະ ນຳສົ່ງຕົວພວກກ່ຽວໃຫ້ ປກສ ເມືອງໄຊເສດຖາ ສືບຕໍ່ສອບສວນ ຂະຫຍາຍຜົນຫາກຸ່ມແກ້ງພັກພວກມາດຳເນີນຄະດີຕາມກົດໝາຍ. ກອງບັນຊາການ ປກສ ນະຄອນຫຼວງວຽງຈັນ ຂໍຊົມເຊີຍ ປກສ ກຸ່ມ 5 ວັງຊາຍ ແລະ ອຳນາດການປົກຄອງບ້ານໜອງໜ່ຽງທີ່ສຸມໃສ່ເຮັດວຽກງານກວດກາປ້ອງກັນການແຜ່ລະບາດໂຄວິດ-19 ຍັງສາດມາດແກ້ໄຂເປົ້າໝາຍຢາເສບຕິດໄດ້ອີກ. ຮຽກຮ້ອງມາຍັງພໍ່ແມ່ຜູ້ປົກຄອງ ຈົ່ງສຶກສາອົບຮົມ ແລະ ຕິດຕາມພິຶດຕິກຳລູກຫຼານຂອງຕົນໃຫ້ດີຢ່າປ່ອຍໃຫ້ໄປພົບພັນຢາເສບຕິດ ຖ້າຮູ້ແລ້ວກໍ່ຢ່າປິດບັງໃຫ້ປຶກສາການຈັດຕັ້ງບ້ານເພື່ອຊອກວິທີຊ່ວຍເຫຼືອ ແລະ ຊ່ວຍກັນປະຕິບັດພັນທະຊ່ວຍເຈົ້າໜ້າທີ່ພົບເຫັນການເຄື່ອນໄຫວອັນທີ່ຜິດຕໍ່ກົດໝາຍບ້ານເມືອງອັນນຳໄປສູ່ຄວາມບໍ່ສະຫງົບມາສູ່ສັງຄົມສາມາດແຈ້ງຂໍ້ມູນ, ຮູບພາບ,ວີດີໂອ, ຄິບສຽງ ມາທີ່ເບີວອດແອັບ ປກສ ນວ 020 28899774.