ເຫັນດຸໝັ່ນຜິດປົກກະຕິທີ່ແທ້ເພາະລິດຢາເສບຕິດ

ພາຍຫຼັງ ກອງບັນຊາການ ປກສ ເມືອງໄຊເຊດຖາ ໄດ້ຮັບແຈ້ງຄວາມຈາກຜູ້ຖືກເສຍຫາຍວ່າ: ນັບແຕ່ 6 ເດືອນຕົ້ນປີ 2021 ຜ່ານມາ ສາງເກັບມ້ຽນເຄື່ອງປະເພດໄດນາໂມ, ປໍ້າດູດນ້ຳ, ຖັງແກັດ, ໜ້າເຕົາແກັດ ແລະ ອື່ນໆ ມູນຄ່າ 68,380,000 ກີບ ຖືກເສ ຍຫາຍ ຕັ້ງຢູ່ບ້ານໂພນພະເນົາ ເມືອງໄຊເຊດຖາ ຖືກຄົນຮ້າຍລັ ກ, ຈຶ່ງໄດ້ເກັບກໍາຂໍ້ມູນ, ຊອກຫາຮ່ອງຮອຍການກະທໍາຜິດ ຈຶ່ງມີຫຼັກຖານ

ໜັກແໜ້ນຮັດກຸມ ຮອດວັນທີ 16 ສິງຫາ 2021 ສາມາດຈັບຜູ້ກະທຳຜິດຊື່ ທ້າວ ໜູໄຊ ອາຍຸ 38 ປີ ກຳມະກອນ ພາຍໃນຮ້ານ ບ້ານໂພນພະເນົາ ເມືອງໄຊເຊດຖາ ນວ ພ້ອມດ້ວຍ ຢ 20 ເມັ ດ ມາດໍາເນີນຄະດີ.

ຜ່ານການສອບສວນ ທ້າວ ໜູໄຊ ຮັບສາລະພາບວ່າ: ຕົນເອງເປັນກໍາມະກອນ ຢູ່ເຮືອນຂອງຜູ້ເສ ຍຫາຍ(ນາຍຈ້າງ) ຍ້ອນຄວາມດຸໝັ່ນ ເຈົ້າຂອງເຮືອນໄວ້ໃຈ, ຕົກມາຮອດເດືອນ 6-7 ປີ 2021 ຕົນບໍ່ມີເງິນຊື້ ຢ ມາ ເ ສ ບ ຈຶ່ງໄດ້ລັກເອົາເຄື່ອງ ຢູ່ໃນສາງເກັບມ້ຽນເຄື່ອງຢູ່ເຮືອນຂອງນາຍຈ້າງ ຈໍານວນຫຼາຍຄັ້ງ ໄປເຊື່ອງໄວ້ປ່າຫຍ້າໃກ້ເຮືອນ ແລ້ວຈຶ່ງນຳເອົາເຄື່ອງໄປຂາຍໃຫ້ຄົນ ຢູ່ຕາມເສັ້ນທາງ ຫຼັງຈາກໄດ້ເງິນແລ້ວ ກໍ່ກັບມາຢູ່ເຮືອນຂອງຕົນ. ຕົກມາຮອດວັນທີ 16 ສິງຫາ 2021 ເວລາ 16:00 ໂມງ ເຈົ້າໜ້າທີ່ຕໍາຫຼວດ ປກສ ເມືອງໄຊເຊດຖາ ຈຶ່ງໄດ້ເຂົ້າກັກຕົວ ພ້ອມກວດພົບ ຢ ຈໍານວນ 20 ເ ມັ ດ. ປະຫັວດຜ່ານມາ ປີ 2018 ທ້າວ ໜູໄຊ ເຄີຍຖືກສານຕັດອິດສະລະພາບ ຈໍາຄຸກ 02 ປີ 6 ເດືອນ ໃນຂໍ້ກ່າວຫາລັ ກຊັ ບພົນລະເມືອງ (ລົດຈັກ).

ເຄື່ອງທີ່ຖືກລັ ກ ເຈົ້າໜ້າທີ່ ສາມາດເກັບກູ້ເຄື່ອງຄືນໄດ້ມີ: ຖັງແກັດ 7 ຖັງ, ຫົວເຕົາແກ໋ດ 1 ຫົວ, ບັ້ງມອດໄພ 2 ບັ້ງ, ສະຫວ່ານ 1 ອັນ, ໄດດູດນໍ້າ 1 ໜ່ວຍ, ພັດລົມ 1 ໜ່ວຍ, ວິທະຍຸ 2 ໜ່ວຍ, ຊິງ 1 ໜ່ວຍ ແລະ ສາຍໄຟຈໍານວນໜື່ງ.

ປັດຈຸບັນຄະດີດັ່ງກ່າວ ຢູ່ໃນຂັ້ນຕອນສືບສວນ-ສອບສວນ ຂອງກອງບັນຊາການ ປກສ ເມືອງໄຊເຊດຖານະຄອນຫຼວງວຽງຈັນ ເພື່ອເປີດກວ້າງຂະຫຍາຍຜົນ ສືບຄົ້ນຫາກຸ່ມແກ້ງທີ່ຮ່ວມຂະບວນການ ມາດຳເນີນຄະດີ.

ທີ່ມາ: ປ້ອງກັນຄວາມສະຫງົບນະຄອນຫຼວງ